କମ୍ପାନିର ସିଇଓଙ୍କ ଦରମାଠାରୁ ଅଧିକ ଶାହରୁଖଙ୍କ ଘରର ମାସିକ ବିଜୁଳି ବିଲ୍

ମୁମ୍ବାଇ: ଡିସେମ୍ବର ୨୧ରେ  ମୁକ୍ତିଲାଭ କରିଥିଲା ବାଦଶାହ ଶାହରୁଖ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ 'ଡଙ୍କି'। ଫିଲ୍ମର ଟିଜର ଓ ଟ୍ରେଲର ଦର୍ଶକଙ୍କ ଉତ୍ସାହ ବଢ଼ାଇଥିବା ବେ‌ଳେ ମୁକ୍ତିଲାଭ ପରେ ଶାହରୁଖଙ୍କ ଫିଲ୍ମକୁ ଦର୍ଶକଙ୍କ ଭଲପାଇବା ମିଳିଥିଲା। ଯଦି ଆମେ ୨୦୨୩ବର୍ଷକୁ ଦେଖିବା, ତେବେ ଶାହରୁଖଙ୍କ ୩ଟି ଫିଲ୍ମ ପଠାନ୍, ଯବାନ ଓ ଡଙ୍କି ବକ୍ସ ଅଫିସରେ ଭଲ ପ୍ରଦର୍ଶନ କରିଥିଲା। ଗତ କିଛି ବର୍ଷ ବ୍ୟବଧାନରେ ଶାହରୁଖ ପରଦାକୁ ଫେରିବା ପରେ ତାଙ୍କୁ ଦର୍ଶକଙ୍କ ଭଲପାଇବା ମିଳିଥିଲା।

ତେବେ ଫିଲ୍ମରୁ କୋଟି କୋଟି ଟଙ୍କା ଆୟ କରୁଥିବା ଶାହରୁଖ ନିଜ ଘର ମନ୍ନତ ପାଇଁ କେତେ ଟଙ୍କାର ବିଜୁଳି ବିଲ୍ ଦେଉଛନ୍ତି, ତାହା ଆପଣ ଜାଣନ୍ତି କି? କୁହାଯାଉଛି ଯେ, କିଛି କମ୍ପାନିର ସିଇଓଙ୍କ ଦରମାଠାରୁ ଅଧିକ ବିଜୁଳି ବିଲ୍ ଦିଅନ୍ତି ଶାହରୁଖ। ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ମୁତାବକ, ଶାହରୁଖ ମାସକୁ ପ୍ରାୟ ୪୩-୪୫ଲକ୍ଷ ଟଙ୍କାର ବିଜୁଳି ବିଲ୍ ଦିଅନ୍ତି। ଏହା ଜାଣି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ।

ତେବେ ଶାହରୁଖଙ୍କ ଫିଲ୍ମ ‘ଡଙ୍କି’ କଥା କହିବାକୁ ଗଲେ ଏଥିରେ ବୋମାନ ଇରାନୀ, ତାପସୀ ପନ୍ନୁ, ଭିକି କୌଶଲ, ବିକ୍ରମ କୋଚର, ଅନିଲ ଗ୍ରୋଭର ଏବଂ ଶାହରୁଖ ଖାନଙ୍କ ଭଳି ପ୍ରତିଭାସମ୍ପନ୍ନ କଳାକାର ଅଛନ୍ତି। ଫିଲ୍ମଟ ବେଆଇନ ଇମିଗ୍ରେସନକୁ ନେଇ ନିର୍ମାଣ କରାଯାଇଛି। ଫିଲ୍ମର କାହାଣୀ ଓ କଳାକାରଙ୍କ ଅଭିନୟକୁ ଦର୍ଶକ ଖୁବ୍ ପସନ୍ଦ କରୁଥିବା ଦେଖାଯାଇଛି।