ମୁମ୍ବାଇ: ଶାହାରୁଖ ଖାନଙ୍କ ସିନେମା ‘ପଠାନ’ ୨୦୨୩ ଜାନୁଆରି ୨୫ରେ ରିଲିଜ୍ ହେବ। ଏହି କ୍ରମରେ ସିନେମାର ସୁପରଷ୍ଟାର ଶାହାରୁଖ୍ ଖାନ୍ ଓ ଅଭିନେତ୍ରୀ ଦୀପିକା ପାଦୁକୋନଙ୍କ ଅଭିନୀତ ଏହି ଚଳଚ୍ଚିତ୍ରର ‘ବେସରମ୍ ରଂଗ’ ଗୀତ ଏବେ ରିଲିଜ୍ ହୋଇ ସାରିଛି। ଗୀତ ରିଲିଜ ହେବା ପରେ ସେଥିରେ ଦୀପିକା ପିନ୍ଧିଥିବା ପୋଷାକଙ୍କୁ ନେଇ ବିଭିନ୍ନ ମହଲରେ ବିରୋଧ ପ୍ରଦର୍ଶନ କରାଯାଇଛି। ଏମିତିକି ଶାହାରୁଖ ଓ ଦୀପିକାଙ୍କ କୁଶପୁତ୍ତଳିକା ମଧ୍ୟ ଦାହ କରାଯାଇଛି।

Advertisment

ଏଥିସହିତ ଶାହାରୁଖଙ୍କ ଏକ ସିନେମା ସୁଟିଂକୁ ବି ବନ୍ଦ କରି ଦିଆଯାଇଛି। ଏହି କ୍ରମରେ ଅଭିନେତାଙ୍କ #ଆସ୍କଏସଆରକେର ଏକ ସେସନ ଚର୍ଚ୍ଚାକୁ ଆସିଛି। ଯେଉଁଥିରେ ସେ ନିଜ ସିନେମା ‘ପଠାନ’ ସହିତ ଜଡ଼ିତ କିଛି ପ୍ରଶ୍ନର ଉତ୍ତର ଦେଇଛନ୍ତି।

ଶାହାରୁଖ ‘ଆସ୍କ ମି ଏନିଥିଂ’ ସେସନରେ ଫ୍ୟାନ୍ସଙ୍କ ପ୍ରଶ୍ନର ଉତ୍ତର ଦେଇ କହିଛନ୍ତି, ‘#ପଠାନରେ ଅନେକ ଦେଶଭକ୍ତି ରହିଛି… କିନ୍ତୁ ଏକ ଆକସନ ଶୈଳୀରେ।

ଆଉ ଜଣେ ପଚାରିଥିଲେ ବକ୍ସ ଅଫିସରେ ସିନେମା କେତେ ବ୍ୟବସାୟ କରିବ? ଏହାର ଉତ୍ତରରେ ଶାହରୁଖ କହିଥିଲେ, ‘ମୁଁ ଭବିଷ୍ୟବାଣୀର ବ୍ୟବସାୟ କରୁନାହିଁ… ମୁଁ ଆପଣଙ୍କ ମନୋରଞ୍ଜନ କରିବା ଓ ହସାଇବା ଦିଗରେ କାମ କରୁଛି।’

ଏହା ପୂର୍ବରୁ ଶାହରୁଖ ଖାନ୍ ୨୮ତମ କୋଲକାତା ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (କେଆଇଏଫଏଫ) ର ଉଦଘାଟନୀ ଉତ୍ସବରେ ନିଜ ପ୍ରଶଂସକଙ୍କୁ ସକାରାତ୍ମକ ରହିବାକୁ କହିଥିଲେ। ଦୁନିଆ ଯାହା ବି କରୁ ସେ ସର୍ବଦା ପ୍ରଶଂସକଙ୍କ ସହିତ ରହିଛନ୍ତି ଓ ରହିବେ ବୋଲି କହିଥିଲେ।