ମମତାଙ୍କ ବନାର୍ଜୀଙ୍କ ସହ ଶାହାରୁଖଙ୍କ ଅତୁଟ ସଂପର୍କ, ସୋସିଆଲ୍‌ ମିଡିଆରେ ଭିଡିଓ ଭାଇରାଲ୍‌

ମୁମ୍ବାଇ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ବଲିଉଡ୍‌ ବାଦଶାହା ଶାହାରୁଖଙ୍କ ମଧ୍ୟରେ ଥିବା ଉତ୍ତମ ସଂପର୍କ ଏବେ ଆଲୋଚନା ପାଲଟିଛି। ବଲିଉଡ୍‌ର ଏହି ସୁପର୍‌ଷ୍ଟାର୍‌, ମମତାଙ୍କୁ ଦିଦି ବୋଲି ସମ୍ବୋଧନ କରି ଆସୁଥିବା ସହ ନିକଟରେ ତାଙ୍କ ଛୋଟିଆ କାର୍‌ରେ ଲିଫ୍ଟ ବି ନେଇଛନ୍ତି। ଏପରିକି କୋଲକାତାକୁ ଶାହାରୁଖଙ୍କର ଦ୍ୱିତୀୟ ଗୃହ ବୋଲି କୁହାଯାଉଛି। ଅଭିନେତା ଶାହାରୁଖ ଲଗାତର ଭାବେ କୋଲକାତା ଯିବା ଆସିବା ଚଳାଇଛନ୍ତି। ସେ ନିକଟରେ କୋଲକାତା ଇଣ୍ଟରନ୍ୟାସ୍‌ନାଲ ଫିଲ୍ମ ଫେଷ୍ଟିଭାଲ୍‌ର ଉଦ୍‌ଘାଟନ କରିଥିଲେ। ତେବେ, ଶାହାରୁଖ ମମତା ବାର୍ନାଜୀଙ୍କର ଛୋଟିଆ କାର୍‌ ସାଣ୍ଟ୍ରୋର ପଛ ସିଟ୍‌ରେ ବସିଥିବା ଏକ ଭିଡିଓ ଏବେ ସୋସିଆଲ୍‌ ମିଡିଆରେ ଚର୍ଚ୍ଚା ପାଲଟିଛି।

 

ମମତାଙ୍କୁ ନିଜ ବଡ଼ ଭଉଣୀ ବୋଲି କହୁଥିବା ଶାହାରୁଖ ଚଳିତବର୍ଷ ରାକ୍ଷୀ ପୂର୍ଣ୍ଣିମାରେ ଟୁଇଟ୍‌ କରିଥିଲେ,‘ପ୍ରତିବର୍ଷ ମୁଁ ଦିଦିଙ୍କ ରାକ୍ଷୀ ଶୁଭେଚ୍ଛା ପରି ଗୁରୁତ୍ୱପୂର୍ଣ୍ଣ ବାର୍ତ୍ତାକୁ ଅପେକ୍ଷା କରି ରହିଥାଏ।’

ଶାହାରୁଖଙ୍କ ପଶ୍ଚିମବଙ୍ଗ ସହିତ ଥିବା ଅତୁଟ ସଂପର୍କ ସବୁବେଳେ ଚର୍ଚ୍ଚା ପାଲଟେ। ଏପରିକି କୋଲକାତାର ଆଇପିଏଲ୍‌ ଦଳ କୋଲକାତା ନାଇଟ୍‌ ରାଇଡର୍‌ସର ସେ ହେଉଛନ୍ତି ସତ୍ତ୍ୱାଧିକାରୀ ଏବଂ ପଶ୍ଚିମବଙ୍ଗ ପର୍ଯ୍ୟଟନୀର ବ୍ରାଣ୍ଡ ଆମ୍ବାସଡର।

୨୦୦୨ ମସିହାରେ ଶରତ ଚନ୍ଦ୍ର ଚଟ୍‌ପୋଧାୟଙ୍କ ଉପନ୍ୟାସ ଉପରେ ଆଧାରିତ ସଂଜୟଲୀଲା ଭଂସାଲୀଙ୍କ ନିର୍ଦ୍ଦେଶିତ ଚଳଚ୍ଚିତ୍ର ‘ଦେବଦାସ’ରେ ସେ ଜଣେ ବଙ୍ଗଳୀ ଚରିତ୍ରରେ ନଜର ଆସିଥିଲେ।

ସମ୍ବନ୍ଧିତ ଖବର