ପ୍ରେମିକଙ୍କ ସହ ନିର୍ବନ୍ଧ କଲେ 'କୁଛ କୁଛ ହୋତା ହେ'ର ଅଞ୍ଜଲୀ, ସେୟାର କଲେ ରୋମାଣ୍ଟିକ ଫଟୋ

ମୁମ୍ବାଇ: 'କୁଛ କୁଛ ହୋତା ହେ'ର ସେହି ଛୋଟ ଅଞ୍ଜଲୀଙ୍କୁ ଆପଣ ମନେ ରଖିଥିବେ ନିଶ୍ଚୟ। ଯିଏ ନିଜର ସୁନ୍ଦର ଅଭିନୟ ସହିତ ସମସ୍ତଙ୍କ ହୃଦୟ ଜିତିଥିଲେ। ଫିଲ୍ମରେ ଅଞ୍ଜଲୀ ତାଙ୍କ ବାପା ଶାହରୁଖ ଖାନ ଅର୍ଥାତ୍ ରାହୁଲ ଖାନ୍ନାଙ୍କ ଦ୍ୱିତୀୟ ଥର ବିବାହ କରାଇବା ପାଇଁ ଏକ ମିଶନ ଆରମ୍ଭ କରିଥିଲେ, ଯେଉଁଥିରେ ସେ ଶେଷରେ ସଫଳ ମଧ୍ୟ ହୋଇଥିଲେ। ହେଲେ ଫିଲ୍ମରେ ନିଜ ବାପାଙ୍କ ବିବାହ କରାଇଥିବା ଅଞ୍ଜଲୀ ଓରଫ ସନା ସଇଦ ଏବେ ଅସଲ ଜୀବନରେ ନିଜର ଜୀବନସାଥୀ ବାଛିଛନ୍ତି। ସେ ନିଜ ପ୍ରେମିକଙ୍କ ସହ ନିର୍ବନ୍ଧ କରିଥିବା ଜଣାଇଛନ୍ତି।

View this post on Instagram

A post shared by Sana Saeed (@sanaofficial)

ନବବର୍ଷର ଅବସରରେ ତାଙ୍କ ପ୍ରେମିକ ବିବାହ ପ୍ରସ୍ତାବ ଦେବା ପରେ ସନା ଏହି ପ୍ରସ୍ତାବକୁ ଗ୍ରହଣ କରିଥିଲେ। ଏହି ସମୟର କିଛି ଫଟୋ ଓ ଭିଡିଓ ଇନଷ୍ଟାରେ ସେୟାର କରି ସନା ନିର୍ବନ୍ଧ କରିଥିବାର ଖବର ଦେଇଛନ୍ତି। ନିର୍ବନ୍ଧର ଫଟୋ ଓ ଭିଡିଓ ସେୟାର କରି ସେ କିଛି ଲେଖନଥିବା ସହ କେବଳ ଇମୋଜି ରଖିଥିବା ଦେଖିବାକୁ ମିଳିଛି। ତେବେ ସନା ଯାହାଙ୍କ ସହିତ ନିର୍ବନ୍ଧ କରିଛନ୍ତି ସେ ହେଉଛନ୍ତି ସିସବା ୱାଗନେର। ସନା କିଛି ବର୍ଷ ହେଲା ୱାଗନେରଙ୍କୁ ଡେଟ୍ କରୁଥିଲେ। ୱାଗନେର ଲସ୍ ଆଞ୍ଜେଲସରେ ରହୁଥିବା ବେଳେ ସନାଙ୍କ ସହ ଅନେକ ଫଟୋ ସେ ପୂର୍ବରୁ ସେୟାର କରିଛନ୍ତି।