ନୂଆଦିଲ୍ଲୀ: ବଲିଉଡ ସୁପରଷ୍ଟାର ଶାହାରୁଖ ଖାନ ଦୀର୍ଘ ବର୍ଷ ପରେ ସିନେମ‌ା ‘ପଠାନ’ ଜରିଆରେ ପରଦାକୁ ଫେରିଥିଲେ। ଏହାପରେ ଶାହାରୁଖ ତାଙ୍କ ଆଗାମୀ ସିନେମା ‘ଯବାନ’ଙ୍କୁ ନେଇ ଚର୍ଚ୍ଚାର ପରିସରରେ ରହିଛନ୍ତି। କିଛିଦିନ ତଳେ ସିନେମାର ପ୍ରିଭ୍ୟୁ ରିଲିଜ କରାଯାଇଥିଲା। ଯେଉଁଥିରେ କିଙ୍ଗ ଖାନଙ୍କୁ ଭିନ୍ନଭିନ୍ନ ଷ୍ଟାଇଲରେ ଦେଖି ଦର୍ଶକ ଉତ୍ସାହିତ ହୋଇଯାଇଥିଲେ।

Advertisment

ଏହି କ୍ରମରେ ‘ଯବାନ’ ସିନେମାର ଗୀତ ‘ଚଲେୟା’କୁ ଆଜି ରିଲିଜ କରାଯାଇଛି। ଏଥିରେ ଶାହାରୁଖଙ୍କୁ  ଦୀର୍ଘ ଚାରିବର୍ଷ ପ‌ରେ ରୋମାଣ୍ଟିକ ଅନ୍ଦାଜରେ ଦେଖିବାକୁ ମିଳୁଛି। ଏହି ଗୀତ‌ରେ ଶାହରୁଖ ଓ ଅଭିନେତ୍ରୀ ନୟନତାରଙ୍କ ଯୋଡ଼ିକୁ ଦର୍ଶକ ବେଶ ପସନ୍ଦ କରୁଛନ୍ତି। ଦୁହିଁଙ୍କୁ ଏକାଠି ପ୍ରଥମଥର ପାଇଁ ବଡ଼ ପରଦାରେ ଦେଖିବାକୁ ମିଳୁଛି। ରିଲିଜ ହୋଇଥିବା ରୋମାଣ୍ଟିକ ଗୀତରେ ଶାହରୁଖ ତାଙ୍କର ଆଇକନିକ ଷ୍ଟାଇଲ ଦୁଇହାତ ମେଲାଇ ରୋମାନ୍ସ କରୁଥିବା ଦେଖିବାକୁ ମିଳୁଛି। ଏହି ଦୃଶ୍ୟ ଦେଖି ତାଙ୍କ ଫ୍ୟାନ୍ସ ଖୁସି ହୋଇ ସିନେମା ରିଲିଜକୁ ଚାତକ ପକ୍ଷୀ ଭଳି ଜଗି ବସିଛନ୍ତି।

‘ଯବାନ’ ସେପ୍ଟେମ୍ବର ୭ ତାରିଖରେ ହିନ୍ଦୀ, ତାମିଲ ଓ ତେଲୁଗୁ ତିନିଟି ଭାଷାରେ ସିନେମାଘରେ ରିଲିଜ ହେବ। ସିନେମାର ନିର୍ଦ୍ଦେଶନା ଏଟଲି କୁମାର ଦେଇଛନ୍ତି।