ଅକ୍ଷୟ କୁମାରଙ୍କ ସହ କାମ କରିବାକୁ ଚାହାନ୍ତି ଶାହରୁଖ୍ ଖାନ୍, କିନ୍ତୁ ଏହି ସର୍ତ୍ତରେ…
ମୁମ୍ବାଇ : ଅଭିନେତା ଶାହରୁଖ୍ ଖାନ୍ ଏବଂ ଅକ୍ଷୟ କୁମାର ଦୁହେଁ ବଲିଉଡ୍ର ଲୋକପ୍ରିୟ ଏବଂ ଆଗଧାଡ଼ିର ନାୟକ । ବୟସ ଏହି ଦୁଇ ଅଭିନେତାଙ୍କ ପାଇଁ ଅଭିନୟରେ ବାଧକ ସାଜି ନାହିଁ । ଏବେ ବି ସେମାନେ ବକ୍ସ ଅଫିସରେ ରାଜ୍ କରି ଚାଲିଛନ୍ତି । ତେବେ ପୂର୍ବରୁ କିଛି ଫିଲ୍ମରେ ଏହି ଦୁଇ କଳାକାରଙ୍କୁ ସାଥିରେ ଦର୍ଶକ କିଛି ସମୟ ପାଇଁ ଦେଖିବାକୁ ପାଇଥିଲେ ମଧ୍ୟ ଦୁହେଁ କେବେ ସାଥିରେ କୌଣସି ଫିଲ୍ମରେ ନଜର ଆସି ନାହାନ୍ତି । ତେବେ ଏ ନେଇ ଶାହରୁଖ୍ଙ୍କୁ ପଚରାଯିବା ପରେ ସେ ଏହାର ମଜାଦାର ଉତ୍ତର ରଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ମୁଁ ତାଙ୍କ ସହ କାମ କରିବାକୁ ଚାହିଁବି, କିନ୍ତୁ ଆମ ଦୁହିଁଙ୍କ ମଧ୍ୟରେ ଏକ ବଡ଼ ସମସ୍ୟା ରହିଛି । ତାହା ହେଉଛି ସମୟ । ସେ ଶୋଇ କରି ଉଠିବା ବେଳେ ମୁଁ ଶୋଇବାକୁ ଯାଉଥାଏ । ମୁଁ ରାତିରେ ସୁଟିଂ କରିବାକୁ ପସନ୍ଦ କରେ । କିନ୍ତୁ ସେ ଠିକ୍ ସମୟରେ ସୁଟିଂ ସାରି ଠିକ୍ ସମୟରେ ଶୋଇ ଯାଆନ୍ତି । ମୁଁ ତାଙ୍କ ଭଳି ଶୀଘ୍ର ଉଠି ପାରିବି ନାହିଁ । ତାଙ୍କର ଦିନ ଶୀଘ୍ର ଆରମ୍ଭ ହୋଇଥାଏ । ଯଦି ଆମେ ଦୁହେଁ ସାଥିରେ କାମ କରିବୁ, ତେବେ ଆମ ଦୁହିଁଙ୍କ ସମୟ ମିଶିବା ନିହାତି ଦରକାର ବୋଲି ସର୍ତ୍ତ ରଖିଥିଲେ ଶାହରୁଖ୍ ।