ଆରୟନଙ୍କୁ ଜାମିନ ମିଳିବା ପରେ ଟ୍ବିଟ କରି ଏଭଳି ଲେଖିଲେ ସୋନୁ ସୁଦ୍, ଟ୍ବିଟରରେ ଛାଇଲା ବଲିଉଡ କଳାକାରଙ୍କ ପ୍ରତିକ୍ରିୟା
ମୁମ୍ବାଇ: କିଛି ସପ୍ତାହ ଜେଲରେ ରହିବା ପରେ ଆଜି ବଲିଉଡ ସୁପରଷ୍ଟାର ଶାହରୁଖ ଖାନଙ୍କ ପୁଅ ଆରୟନଙ୍କୁ ଜାମିନ ମିଳିଛି। ମୁମ୍ବାଇର ଏକ କ୍ରୁଜରେ ଡ୍ରଗ ପାର୍ଟି ଚାଲିଥିବା ବେଳେ ଚଢ଼ାଉ କରି ଆରୟନଙ୍କୁ ଗିରଫ କରିଥିଲା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି)। ଅନେକ ଦିନ ଜାମିନ ଆବେଦନ ଖାରଜ ହେବା ପରେ ଆଜି ଶେଷରେ ଆରୟନଙ୍କ ଜାମିନକୁ ମଞ୍ଜୁର କରିଛନ୍ତି ଅଦାଲତ। ଏହି ଖୁସିରେ ଟ୍ବିଟରରେ ଏବେ ବଲିଉଡ କଳାକାରଙ୍କ ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଅଭିନେତା ସୋନୁ ସୁଦ ଟ୍ବିଟ କରି ଲେଖିଛନ୍ତି ଯେ, ସମୟ ଯେବେ ନ୍ୟାୟ କରେ, ସେତେବେଳେ ପ୍ରମାଣର ଆବଶ୍ୟକତା ପଡ଼େ ନାହିଁ।
समय जब न्याय करता है,
तब गवाहों की जरूरत नहीं होती।— sonu sood (@SonuSood) October 28, 2021
ସେହିଭଳି ଅଭିନେତା ଆର ମାଧବନ ଲେଖିଛନ୍ତି ଯେ, ଭଗବାନଙ୍କୁ ଧନ୍ୟବାଦ। ଜଣେ ବାପା ହିସାବରେ ମୋତେ ବହୁତ ଖୁସି ଲାଗୁଛି। ଏବେ ସବୁ ଭଲ ଏବଂ ସକରାତ୍ମକ ଘଟଣା ଘଟୁ।
Thank god . As a father I am So relieved .. … May all good and positive things happen.
— Ranganathan Madhavan (@ActorMadhavan) October 28, 2021
ଅନ୍ୟପକ୍ଷରେ ଅଭିନେତା ସଞ୍ଜୟ କପୁରଙ୍କ ଝିଅ ଶନାୟା କପୁର ଆରୟନଙ୍କ ସହ ତାଙ୍କର ଏକ ପିଲାଦିନର ଫଟୋ ଇନଷ୍ଟାରେ ସେୟାର କରିଥିବା ଦେଖାଯାଇଛି।
କଣ୍ଠଶିଳ୍ପୀ ମିକା ସିଂହ ଲେଖିଛନ୍ତି ଯେ, ଜାମିନ ପାଇଥିବାରୁ ଆରୟନ ଏବଂ ଅନ୍ୟ ଅଭିଯୁକ୍ତଙ୍କୁ ଅଭିନନ୍ଦନ। ଜାମିନ ମଞ୍ଜୁର ହୋଇଥିବାରୁ ମୁଁ ଖୁସି। ଭଗବାନ ତୁମକୁ ଏବଂ ତୁମର ପରିବାରକୁ ଆଶୀର୍ବାଦ କରନ୍ତୁ।
Congratulations to #AryanKhan and to the other accused for getting bail. I’m so happy that it was finally granted, bro @iamsrk Bhagwan ke ghar mein der hai andher nahi. You have contributed hugely to the fraternity. God bless both you and your family. 🙏🏼 pic.twitter.com/nF5omCTyAg
— King Mika Singh (@MikaSingh) October 28, 2021
ତେବେ ବଲିଉଡ କଳାକାରଙ୍କ ସମେତ ଶାହରୁଖଙ୍କ ପ୍ରଶଂସକ ମଧ୍ୟ ଆରୟନଙ୍କୁ ଜାମିନ ମିଳିବା ପରେ ଖୁସି ମନାଇଛନ୍ତି। ଶାହରୁଖଙ୍କ ଘର ଆଗରେ ତାଙ୍କ ପ୍ରଶଂସକଙ୍କ ଭିଡ଼ ଦେଖିବାକୁ ମିଳିଛି।