ବିବାହ ବାର୍ଷିକୀ ଅବସରରେ ପତ୍ନୀଙ୍କ ଓଠରେ ଚୁମ୍ବନ ଦେଇ ରୋମାଣ୍ଟିକ୍‌ ଫଟୋ ସେୟାର୍‌ କଲେ ସାହିଦ

ମୁମ୍ବାଇ: ଅଭିନେତା ସାହିଦ କପୁର ଏବଂ ତାଙ୍କ ପତ୍ନୀ ମୀରା ରାଜପୁତ ବି-ଟାଉନର ଅନ୍ୟତମ ପ୍ରସିଦ୍ଧ ଦମ୍ପତି। ଏହି ଦମ୍ପତି ଅଧିକାଂଶ ସମୟରେ ସୋସିଆଲ୍‌ ମିଡିଆରେ ସେମାନଙ୍କ ରୋମାଣ୍ଟିକ୍‌ ଫଟୋ ସେୟାର୍‌ କରି ଚର୍ଚ୍ଚାରେ ରହନ୍ତି। ଯଦିଓ ସାହିଦଙ୍କୁ ସୋସିଆଲ୍‌ ମିଡିଆରେ ସେତେଟା ଦେଖିବାକୁ ମିଳେନାହିଁ, ମାତ୍ର ମୀରା ଏହି ଦିଗରେ ଖୁବ୍‌ ସକ୍ରିୟ। ସେ ନିୟମିତ ଭାବେ ସୋସିଆଲ୍‌ ମିଡିଆରେ କିଛି ନା କିଛି ପୋଷ୍ଟ୍‌ କରି ଚାଲିଥାନ୍ତି।

ମୀରା ସ୍ବାମୀଙ୍କ ସହ ସେମାନଙ୍କ ଦୁଇ ପିଲାଙ୍କ ଫଟୋକୁ ବି ସୋସିଆଲ୍‌ ମିଡିଆରେ ସେୟାର କରିଥାନ୍ତି। ନିକଟରେ ସେମାନେ ସପରିବାର ବାହାରକୁ ବୁଲିବାକୁ ଯାଇଥିଲେ। ତାହା ମୀରା ରାଜପୁତଙ୍କ ଫଟୋରୁ ଜାଣିବାକୁ ମିଳିଥିଲା।

ଜୁଲ‌ାଇ ୭ ତାରିଖ ଅର୍ଥାତ ଆଜି ହେଉଛି ମୀରା ରାଜପୁତ ଏବଂ ସାହିଦ କପୁରଙ୍କ ଅଷ୍ଟମ ବିବାହ ବାର୍ଷିକୀ। ଏହି ଅବସରରେ ଉଭୟ ଛୁଟି କାଟିବାକୁ ବାହାରକୁ ଯାଇଥିବା ବେଳେ ସେମାନଙ୍କ ରୋମାଣ୍ଟିକ ଫଟୋ ସେୟାର କରିଛନ୍ତି। ଶୁକ୍ରବାର ସାହିଦ କପୁର ଇନଷ୍ଟାଗ୍ରାମରେ ଏକ ଆକର୍ଷଣୀୟ ଫଟୋ ପୋଷ୍ଟ କରିଛନ୍ତି। ଫଟୋରେ ସାହିଦ ମୀରା ରାଜପୁତଙ୍କୁ ଓଠରେ ଚୁମ୍ବନ ଦେଉଥିବାର ନଜର ଆସିଛନ୍ତି। ସେ ଦୁହେଁ ଗ୍ରୀସରେ ରହି କ୍ୟାମେରା ପୋଜ୍ ଦେଇଛନ୍ତି।

ସାହିଦ ଓ ମୀରା ମ୍ୟାଚି ପୋଷାକ ପିନ୍ଧିଥିବା ‌ବେଳେ ଅଭିନେତା ତାଙ୍କ କ୍ୟାପ୍‌ସନ୍‌ରେ  'ଏ ସ୍କାଏ ଫୁଲ୍ ଅଫ୍‌ ଷ୍ଟାର୍ସ, ଆଇ ଗେଭ୍‌ ୟୁ ମାଇଁ ହାର୍ଟ' ଗୀତ ଲେଖିଛନ୍ତି।’ ହେଲେ ଏଥିରେ ସେ ନିଜର ଟ୍ବିଷ୍ଟ୍‌ ବି ଦେଇଛନ୍ତି।