ନିଜର ଏହି ପ୍ରିୟ ନିର୍ଦ୍ଦେଶକଙ୍କ ସହିତ ପୁଣି କାମ କରିବେ ଶାହିଦ୍ କପୁର!
ମୁମ୍ବାଇ: ଗତ କିଛି ଦିନ ହେବ ଶାହିଦ୍ କପୁରଙ୍କୁ ନେଇ ଏକ ଚର୍ଚ୍ଚା ଜୋର୍ ଧରିଛି । ସେ ତାଙ୍କର ପ୍ରିୟ ନିର୍ଦ୍ଦେଶକ ବିଶାଲ ଭରଦ୍ୱାଜଙ୍କ ସହିତ ପୁଣି କାମ କରିବେ ବୋଲି ଶୁଣିବାକୁ ମିଳୁଛି। ଏଥିଲାଗି ଶାହିଦ୍ କପୁର ବିଶାଲଙ୍କୁ ଭେଟିଥିବାର ସୂଚନା ମିଳିଛି । ଉଭୟେ ପୁଣି ଥରେ ଏକାଠି କାମ କରିବାକୁ ଯାଉଥିବା ନେଇ ଖବର ଶୁଣିବାକୁ ମିଳୁଛି । କୁହାଯାଉଛି ଯେ ଶାହିଦ୍ ପୁଣି ଏକ ଭଲ ସ୍କ୍ରିପ୍ଟରେ କାମ କରିବାକୁ ଚାହୁଁଛନ୍ତି ସେଥିଲାଗି ବିଶାଲଙ୍କ ଉପରେ ତାଙ୍କର ସବୁଠାରୁ ଅଧିକ ଭରସା ରହିଛି। ଶାହିଦ୍ ବିଶାଲଙ୍କୁ ଭେଟିବା ଲାଗି ତାଙ୍କ ଅଫିସ୍ ନିକଟକୁ ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ବିଶାଲ ଭରଦ୍ୱାଜଙ୍କ ସହିତ ଶାହିଦ୍ କପୁର ‘କମିନେ’, ‘ରଙ୍ଗୁନ୍’ ଏବଂ ‘ହାଇଦର୍’ ଆଦି ସିନେମାରେ କାମ କରିଥିଲେ । ଏହି ସମସ୍ତ ଫିଲ୍ମଗୁଡ଼ିକୁ ସିନେପ୍ରେମୀ ବେଶ୍ ପସନ୍ଦ ମଧ୍ୟ କରିଥିଲେ ।
ଏବେ ଶାହିଦ୍ ତେଲୁଗୁ ଫିଲ୍ମ ‘ଜର୍ସି’ର ହିନ୍ଦୀ ରିମେକରେ ଅଭିନୟ କରୁଛନ୍ତି । ଏଥିପାଇଁ ଶାହିଦ୍ କ୍ରିକେଟ୍ ଟ୍ରେନିଂ ନେଉଛନ୍ତି ।
ଶାହିଦ୍ କପୁରଙ୍କ କ୍ୟାରିଅର୍ର ସବୁଠାରୁ ବଡ଼ ବ୍ଲକ୍ବଷ୍ଟର ହିଟ୍ ଫିଲ୍ମ ‘କବୀର ସିଂ’ ଚଳିତ ବର୍ଷ ରିଲିଜ୍ ହୋଇଥିଲା। । ଏହି ଫିଲ୍ମ ୩୩୨ କୋଟି ଟଙ୍କାର ବ୍ୟବସାୟ କରିଥିଲା ।