ମୁମ୍ବାଇ: ବଲିଉଡ ଅଭିନେତା ଶାହରୁଖ ଖାନ, ଦୀପିକା ପାଦୁକୋନ ଏବଂ ଜନ୍ ଆବ୍ରାହମଙ୍କ ଅଭିନୀତ ‘ପଠାନ’ ରେକର୍ଡ ପରେ ରେକର୍ଡ କରୁଛି | ଏହି ଫିଲ୍ମ ୬ଦିନ ମଧ୍ୟରେ ବିଶ୍ବର ବକ୍ସ ଅଫିସରେ ୬୦୦କୋଟି ଟଙ୍କା ଆୟ କରିସାରିଛି। ବିଶ୍ବର ମୋଟ ସଂଗ୍ରହ ମାତ୍ର ୬ଦିନରେ ୬୦୦କୋଟି ଅତିକ୍ରମ କରିବା ‘ପଠାନ’ ପାଇଁ ଏକ ବଡ଼ ସଫଳତା। ତେବେ ଫିଲ୍ମର ସଫଳତାକୁ ନେଇ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା। ଯେଉଁଥିରେ ଫିଲ୍ମର ପୁରା ଷ୍ଟାର କାଷ୍ଟଙ୍କୁ ଦେଖିବାକୁ ମିଳିଥିଲା। ଏହି ସମୟରେ କିଙ୍ଗ ଖାନ ଜନ୍ ଅବ୍ରହାମଙ୍କୁ ଚୁମ୍ବନ ଦେଇ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ‘ପଠାନ’ର ସାମ୍ବାଦିକ ସମ୍ମିଳନୀରେ ଶାହରୁଖ ନିଜ ଆସନରୁ ଉଠି ଜନଙ୍କ ଗାଲରେ ଚୁମ୍ବନଟିଏ ଦେଇଥିଲେ। ବାସ୍ତବରେ ସମ୍ମିଳନୀରେ ଜନ ଫିଲ୍ମକୁ ନେଇ ନିଜର ଅନୁଭୂତି କହୁଥିବାବେଳେ ଶାହରୁଖ ଆସନରୁ ଉଠି ଯାଇ ଜନଙ୍କୁ ଚୁମ୍ବନ ଦେଇଥିଲେ।” ଏହି ସମୟରେ ପ୍ରଶଂସକମାନେ ଦୀପିକା, ଦୀପିକା ଚିଲ୍ଲାଇଥିଲେ | ଆଉ ଶାହରୁଖ କହିଥିଲେ ଯେ ଦୀପିକାଙ୍କୁ ଅନେକ ଥର ଚୁମ୍ବନ ଦେଇଛି |
Sambad is now on WhatsApp
Join and get latest news updates delivered to you via WhatsApp
ତେବେ ଜନଙ୍କ ସହ ଏହା ପ୍ରଥମ ଥର ଘଟିଥିଲା | ଏହାପରେ ଜନ୍ ଉତ୍ତର ଦେଇଥିଲେ ଯେ ପ୍ରଥମ ଥର ପାଇଁ ମୋ ସହ ଏହା ଘଟିଛି ଓ ମୋତେ ଲାଜ ଲାଗୁଛି | ମୁଁ ଭାବୁଛି ଯେ ମୁଁ ବ୍ଲସ୍ କରୁଛି।” ଇଭେଣ୍ଟରେ ଶାହରୁଖ ଖାନ ତାଙ୍କର ୪ ବର୍ଷର ବିରତି ପଛର କାହାଣୀ ମଧ୍ୟ ପ୍ରକାଶ କରିଥିଲେ। ସୁପରଷ୍ଟାର କହିଛନ୍ତି, “ଚାରି ବର୍ଷରୁ ୨ ବର୍ଷ ଏମିତି ସମୟ ଆସିଥିଲା, ଯେତେବେଳେ କୋଭିଡ ହୋଇଥିଲା | ଆଉ ଆମ ଜୀବନରେ କିଛି ଭଲ ଓ କିଛି ଖରାପ ହୋଇଥିଲା | ଏହା ମୋ ପାଇଁ ସମାନ ସମୟ ଥିଲା । ମୁଁ କାମ କରିନଥିଲି, ମୁଁ ପିଲାମାନଙ୍କ ସହିତ ରହିବାକୁ ଚାହୁଁଥିଲି।” ଭଲ କଥାଟି ହେଲା ମୁଁ ପ୍ରଥମ ଥର ପାଇଁ ମୋ ପିଲା ଆର୍ଯ୍ୟନ୍, ସୁହାନା ଏବଂ ଅବରାମଙ୍କୁ ବଡ ହେବାର ଦେଖିଲି | ମୁଁ ମୋ ପରିବାର ଏବଂ ସାଙ୍ଗମାନଙ୍କ ସହିତ ସମୟ ବିତାଇବାକୁ ସକ୍ଷମ ହେଲି | ଅନ୍ୟ ଭଲ କଥା ହେଲା ମୋର ଶେଷ ଚଳଚ୍ଚିତ୍ର ହିଟ ହୋଇନଥିଲା | ସେ ଥଟ୍ଟା କରି କହିଛନ୍ତି “ମୁଁ ଏକ ବିକଳ୍ପ ବ୍ୟବସାୟ ବିଷୟରେ ଚିନ୍ତା କଲି। ଏକ ରେଷ୍ଟୁରାଣ୍ଟ ଖୋଲିବାକୁ ଚିନ୍ତା କଲି ଏବଂ ଏଥିପାଇଁ ରାନ୍ଧିବା ଆରମ୍ଭ କଲି। ଏହାର ନାମ ‘ରେଡ୍ ଚିଲିଜ୍ ଫୁଡ୍ ଇଟେରୀ’ ବୋଲି ରଖିବାକୁ ଭାବିଥିଲି।