ମୁମ୍ବାଇ: ବରିଷ୍ଠ ଅଭିନେତା ମୁଖେଶ ଖନ୍ନା କିଛିଦିନ ପୂର୍ବରୁ ତାଙ୍କ ଫ୍ୟାନ୍ସମାନଙ୍କୁ ଦେଇଥିବା କଥା ପୁରା କରିଛନ୍ତି। ୯୦ଦଶକର ଟେଲିଭିଜନର ସବୁଠାରୁ ଚର୍ଚ୍ଚିତ ଧାରାବାହିକ ‘ଶକ୍ତିମାନ’କୁ ସେ ପୁଣିଥରେ ଫେରାଇ ଆଣୁଛନ୍ତି।

Advertisment

 ସୋସିଆଲ ମିଡିଆରେ ମୁକେଶ ଖନ୍ନା ‘ଶକ୍ତିମାନ’ର ଟିଜର ଓ ପୋଷ୍ଟର ଉଭୟ ରିଲିଜ କରିଛନ୍ତି। ‘ଶକ୍ତିମାନ’ର ଟିଜର ଓ ପୋଷ୍ଟର ରିଳିଜ ପରେ ଦର୍ଶନ ଉତ୍ସାହର ସହ ଏହାର ରିଲିଜ ତାରିଖକୁ ଅପେକ୍ଷା କରି ରହିଛନ୍ତି।

ମୁକେଶ ଖନ୍ନା ସେୟାର କରିଥିବା ‘ଶକ୍ତିମାନ’ ଟିଜରରେ,‘ମୁକେଶ ଖନ୍ନା ଏକ ସ୍କୁଲରେ ଉଡୁଥିବା ଦେଖିବାକୁ ମିଳୁଛନ୍ତି। ଏହାପରେ ସେ ଚନ୍ଦ୍ରଶେଖର ଆଜାଦ, ଭଗତ ସିଂହ, ସୁଭାଷ ଚନ୍ଦ୍ର ବୋଷଙ୍କ ଫଟୋ ସାମ୍ନାରେ ଛିଡ଼ା ହୋଇ ଗୀତ ଗାଉଥିବାର ନଜର ଆସୁଛନ୍ତି।

ଭିଡିଓ କ୍ୟାପସନରେ ଲେଖାହୋଇଛି, ‘ଆସିଯାଇଛି। ସମୟ ତାକୁ ଫେରାଇ ଆଣିବାର। ଆମର ପ୍ରଥମ ଇଣ୍ଡିୟନ ସୁପର ଟିଚର ସୁପର ହିରୋ। ହଁ ଆମର ଆଜିକାଲିର ପିଲାଙ୍କ ପାଇଁ ଏହା ଫେରୁଛି। ତାହା ପୁଣି ଏକ ମେସେଜ ସହିତ। ଏକ ଟିଚିଂ ସହିତ। ଯାହାକି ଆଜିକାଲିର ଯୁବପିଢ଼ିଙ୍କ ସ୍ବତନ୍ତ୍ର। ଦୁଇହାତରେ ‘ଶକ୍ତିମାନ’କୁ ୱେଲକମ କରିବ। 

ଛୋଟବେଳର ଧାରାବାହିକକୁ ଫେରୁଥିବା ଦେଖି ଦର୍ଶକଙ୍କ ମଧ୍ୟରେ ଏକ ପ୍ରକାର ଉତ୍ସାହ ଭରି ଯାଇଛି। ୯୦ଦଶକର ସବୁଠାରୁ ଚର୍ଚ୍ଚିତ ଧାରାବାହିକ କୁହାଯାଉଥିବା ‘ଶକ୍ତିମାନ’ ୧୯୯୭ ମସିହାରେ ଆରମ୍ଭ ହୋଇଥିଲା। ଏହି ଧାରାବାହିକ ୨୦୦୫ ମସିହାରେ ବନ୍ଦ ହୋଇଯାଇଥିଲା। ତେବେ ଖବର ଲେଖାହେଲା ପର୍ଯ୍ୟନ୍ତ ‘ଶକ୍ତିମାନ’ ସିନେମା ଜରିଆରେ କି ଧାରାବାହିକ କି ୱେବ ସିରିଜ ଜରିଆରେ ଫେରୁଛି ତାହା ସ୍ପଷ୍ଟ ହୋଇନାହିଁ।