ନିଜ ଚଳଚ୍ଚିତ୍ରରେ ଆଲିଆଙ୍କୁ ‘ହିରୋଇନ୍’ ନୁହେଁ, ‘ହିରୋ’ ଭାବେ ନେବାକୁ ଚାହାନ୍ତି ରାଜମୌଲୀ
ନୂଆଦିଲ୍ଳୀ: ସିନେ ନିର୍ଦ୍ଦେଶକ ଏସ୍ଏସ୍ ରାଜମୌଲୀ ତାଙ୍କ ଚଳଚ୍ଚିତ୍ର ‘ଆର୍ଆର୍ଆର୍’ ସୁଟିଂକୁ ନେଇ ବ୍ୟାପକ ପ୍ରମୋସନ୍ର ଆୟୋଜନ କରିଥିବା ନଜର ଆସିଛନ୍ତି। ପ୍ରମୁଖ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିଛନ୍ତି ରାମ ଚରଣ ଓ ଜୁନିୟର୍ ଏନ୍ଟିଆର୍। ଏହି ଚଳଚ୍ଚିତ୍ରର ପ୍ରମୋସନ ପାଇଁ ଅଭିନେତ୍ରୀ ଆଲିଆ ଭଟ୍ଟ ମଧ୍ୟ ଏକ ଗୁରୁତ୍ବପୂର୍ଣ୍ଣ ଦାୟିତ୍ବ ତୁଲାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ପ୍ରମୋସନାଲ୍ ଉତ୍ସବରେ ଜଣେ ପ୍ରଶଂସକ ଦର୍ଶକ ରାଜମୌଲୀଙ୍କୁ ପ୍ରଶ୍ନ କରିଥିଲେ।, ‘ଆପଣ ଯଦି ଆଗକୁ ଜଣେ ମହିଳା ସୁପରହିରୋଙ୍କୁ ନେଇ ଚଳଚ୍ଚିତ୍ର କରନ୍ତି ତେବେ କାହାକୁ ନେବେ?’ ଯାହାର ଉତ୍ତରରେ ରାଜମୌଲୀ ତୁରନ୍ତ କହିଥିଲେ, ‘ଅନୁମାନ କରନ୍ତୁ ମୁଁ କାହାକୁ ନେବି? ଆପଣ ଠିକ୍ ଭାବୁଛନ୍ତି, ମୁଁ ଆଲିଆଙ୍କୁ ହିଁ ନେବି’।
ତାପରେ କିଛି ସମୟ ପରେ ନିଜର କଥାକୁ ଆହୁରି ସ୍ପଷ୍ଟ କରି କହିଥିଲେ, ‘ଆଲିଆଙ୍କୁ ମୁଁ ସୁପର ହିରୋଇନ୍ ଭାବେ ନେବି ନାହିଁ। କାହିଁକି ନା, ସେ ଏବେ ଜଣେ ହିରୋ’। ରାଜମୌଲୀଙ୍କ ମୁହଁରୁ ଏପରି ଶୁଣିବା ପରେ ଆଲିଆ କହିଥିଲେ, ‘ଭଲ କଥା’। ସେଠି ଉପସ୍ଥିତ ଥିବା ଅମୀର ଖାନ୍ କହିଛନ୍ତି, ‘ତାହାଲେ ମୁଁ ହିରୋଇନ୍ ହୋଇଯିବି ସାର୍’। ଏଭଳି କଥାବାର୍ତ୍ତା ମଧ୍ୟରେ ସେଠାରେ ଏକ ହସର ମାହଲ ସୃଷ୍ଟି ହୋଇଥିବା ଦେଖିବାକୁ ମିଳିଥିଲା।