ଶେହନାଜ ଗିଲ କଲେ ଘୋଷଣା : ଦୀପାବଳିରେ ପ୍ରଶଂସକଙ୍କୁ ଉପହାର ଦେବେ ନୂତନ ଫିଲ୍ମ
ମୁମ୍ବାଇ: ପ୍ରଶଂସକଙ୍କ ହୃଦୟରେ ରାଜ କରୁଥିବା ଅଭିନେତ୍ରୀ ଶେହନାଜ ଗିଲ ତାଙ୍କ ପ୍ରଶଂସକଙ୍କୁ ଏକ ବଡ଼ ଉପହାର ଦେଇଛନ୍ତି। ଅଭିନେତ୍ରୀ ତାଙ୍କର ବିଗ୍ ବଲିଉଡ୍ ପ୍ରୋଜେକ୍ଟ ଘୋଷଣା କରିଛନ୍ତି । ଆସନ୍ତା ବର୍ଷ ଦୀପାବଳିରେ ଶେହନାଜ ଗିଲଙ୍କ ଫିଲ୍ମ ରିଲିଜ ହେବାକୁ ଯାଉଛି।
Sambad is now on WhatsApp
Join and get latest news updates delivered to you via WhatsApp
ଟିଭି ଜଗତରେ ନିଜର ଅଭିନୟରେ ସମସ୍ତଙ୍କ ହୃଦୟ ଜିତିବା ପରେ ଏବେ ସେ ବଡ ପରଦାରେ ନଜର ଆସିବେ । ଶେହନାଜ ଗିଲଙ୍କ ଏହି ଚଳଚ୍ଚିତ୍ର ଏକ ହାସ୍ୟରସ ଭରା ଚଳଚ୍ଚିତ୍ର ହେବ, ଯେଉଁଥିରେ ଆକ୍ସନ, ଗୀତ ଏବଂ ମସଲା ରହିବ । ଏହି ଚଳଚ୍ଚିତ୍ରକୁ ନିର୍ମାଣ କରୁଛନ୍ତି ସାଜିଦ ଖାନ।
ଶେହନାଜ ତାଙ୍କ ପୋଷ୍ଟରେ କହିଛନ୍ତି ଯେ ତାଙ୍କ ଚଳଚ୍ଚିତ୍ର ଦର୍ଶକଙ୍କୁ ୧୦୦% ଏଣ୍ଟରଟେନମେଣ୍ଟ ଯୋଗାଇବ ଏବଂ ଶେହନାଜଙ୍କ ଏହି ବିଶେଷ ଉପହାର ସହିତ ଦର୍ଶକଙ୍କ ଦୀପାବଳି ମଧ୍ୟ ଗ୍ରାଣ୍ଡ ହେବାକୁ ଯାଉଛି । ଫିଲ୍ମ ଘୋଷଣା କରିବାବେଳେ ଶେହନାଜ ତାଙ୍କ ପ୍ରଶଂସକଙ୍କୁ ପଚାରିଛନ୍ତି କି ସେମାନେ ପ୍ରସ୍ତୁତ ଅଛନ୍ତି ତ ଏହି ଫିଲ୍ମ ପାଇଁ ?
View this post on Instagram
ଏହି ଚଳଚ୍ଚିତ୍ରରେ ଶେହନାଜ ଗିଲ ବଲିଉଡର ହାଣ୍ଡସମ ହଙ୍କ ଜନ୍ ଆବ୍ରହାମ, ରିତେଶ ଦେଶମୁଖଙ୍କ ସହ ସ୍କ୍ରିନ୍ ସେୟାର କରିବେ। ଶେହନାଜଙ୍କ ଏହି ଚଳଚ୍ଚିତ୍ରରେ ନୋରା ଫତେହି ମଧ୍ୟ ତାଙ୍କ ଗ୍ଲାମରସ ଭୂମିକାରେ ନଜର ଆସିବେ ।
ବର୍ତମାନ ଶେହନାଜ ଗିଲଙ୍କ ବେଶ୍ ଲୋକପ୍ରିୟତା ରହିଛି । ସେ ସଲମାନ ଖାନଙ୍କ ଏକ ଫିଲ୍ମରେ ମଧ୍ୟ କାମ କରୁଛନ୍ତି । ସଲମାନଙ୍କ ଫିଲ୍ମ ଭାଇଜାନରେ ଶାହନାଜଙ୍କୁ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ। ଫିଲ୍ମରୁ ଶେହନାଜଙ୍କ ଲୁକ ମଧ୍ୟ ସାମ୍ନାକୁ ଆସିଛି।
ଭାଇଜାନ ଏକ ମଲ୍ଟିଷ୍ଟାର୍ ଚଳଚ୍ଚିତ୍ର, ଯେଉଁଥିରେ ପୂଜା ହେଗଡେ ସଲମାନଙ୍କ ସହ ନାୟିକା ଭାବେ ନଜର ଆସିବେ । ପଞ୍ଜାବୀ ଚଳଚ୍ଚିତ୍ର ‘ହସଲା ରାଖ’ ସହିତ ଶାହନାଜ ଗିଲ ଅଭିନୟ ଦୁନିଆରେ ପ୍ରବେଶ କରିଥିଲେ। କିନ୍ତୁ ବର୍ତ୍ତମାନ ଶେହନାଜଙ୍କୁ ସିଲଭର ସ୍କ୍ରିନରେ ନିଜର ଯାଦୁ ବିସ୍ତାର କରୁଥିବା ଦେଖିବାକୁ ମିଳିବ ।