ମୁମ୍ବାଇ: ରିୟାଲିଟି ସୋ’ ବିଗ୍ ବସରେ ପ୍ର‌ତିଯୋଗୀ ହୋଇ ଘରେ ଘରେ ଲୋକପ୍ରିୟ ହୋଇଥିଲେ ଅଭିନେତ୍ରୀ ତଥା କଣ୍ଠଶିଳ୍ପୀ ଶେହନାଜ୍ ଗିଲ୍। ଏହି ସୋ’ ପରେ ସେ ଚର୍ଚ୍ଚିତ ହୋଇଥିବା ବେଳେ ଏବେ ତାଙ୍କୁ ଅନେକ ମ୍ୟୁଜିକ ଭିଡିଓରେ ଦେଖିବାକୁ ମିଳୁଛି। ଖୁବ୍ ଶୀଘ୍ର ସେ ସଲମାନ ଖାନଙ୍କ ଫିଲ୍ମରୁ ମଧ୍ୟ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି।

Advertisment

Shehnaaz Gill Catches Up With Ayushmann Khurrana For Her Show, 'Desi Vibes With Shehnaaz Gill' | IWMBuzz iwmbuzz

ମ୍ୟୁଜିକ୍ ଭିଡିଓ ବ୍ୟତୀତ, ଶେହନାଜ୍ ଆଜିକାଲି ତାଙ୍କ ସୋ’ 'ଦେଶୀ ଭାଇବ୍ସ ଉଇଥ୍ ଶେହନାଜ ଗିଲ'କୁ ନେଇ ଚର୍ଚ୍ଚାରେ ଅଛନ୍ତି। ଏହି ସୋ’ର ଅନେକ ଅଧ୍ୟାୟ ଆସିସାରିଥିବା ବେଳେ ଆଗକୁ ଆହୁରି ଅନେକ ଆସିବାର ଅଛି। ପ୍ରଶଂସକମାନେ ମଧ୍ୟ ଏହି ସେଲିବ୍ରିଟି ଚାଟ୍ ସୋ’କୁ ପସନ୍ଦ କରୁଛନ୍ତି। ଏହା ସତ୍ତ୍ବେ ବି ଶେହନାଜଙ୍କ ମନରେ ଏକ ଡର ରହିଛି।

Desi Vibes: Shehnaaz Gill and Rajkummar Rao get dancing shoes on together, internet loves it | IWMBuzz iwmbuzz

ସୋ’କୁ ଲୋକେ ପସନ୍ଦ କରୁଥିଲେ ବି ଏପର୍ଯ୍ୟନ୍ତ ତାଙ୍କୁ ପ୍ରାୟୋଜକ ମିଳିନାହାନ୍ତି। ଏବେ ସେ ନିଜ ଟଙ୍କ‌ାରେ ଏହି ସୋ’କୁ ଆଗକୁ ନେଉଛନ୍ତି। ପ୍ରାୟୋଜକ ମିଳିନଥିବାରୁ ଶେହନାଜ ଚିନ୍ତିତ ଥିବା କୁହାଯାଉଛି।

ତେବେ 'ଦେଶୀ ଭାଇବ୍ସ ଉଇଥ୍ ଶେହନାଜ ଗିଲ'ର ପ୍ରଥମ ଅଧ୍ୟାୟରେ ବଲିଉଡ ଅଭିନେତା ରାଜକୁମାର ରାଓ ନିଜ ଫିଲ୍ମର ପ୍ରଚାର କରିବା ପାଇଁ ଆସିଥିଲେ। ଏହା ପରେ ପରେ ବଲିଉଡ ଅଭିନେତା ବିକି କୌଶଲ ଓ ଆୟୁଷ୍ମାନ ଖୁରାନା ମଧ୍ୟ ନିଜ ନିଜର ଫିଲ୍ମର ପ୍ରଚାର କରିବା ପାଇଁ ଆସିଥିଲେ। ଆଗକୁ ଏହି ସୋ’‌ରେ ଅଭିନେତ୍ରୀ ରାକୁଲପ୍ରୀତ ସିଂହ ମଧ୍ୟ ନଜର ଆସିବେ।