ଗର୍ଭବତୀ ଥିବା ଅବସ୍ଥାରେ ଖୁସିରେ ନାଚିଲେ ଅଜୟଙ୍କ ଅନସ୍କ୍ରିନ ଝିଅ

ନୂଆଦିଲ୍ଲୀ:  ବଲିଉଡ ସୁପରଷ୍ଟାର ଅଜୟ ଦେବଗନଙ୍କ ଅନସ୍କ୍ରିନ ଝିଅ ଅଭିନେତ୍ରୀ ଈଶିତା ଦତ୍ତା ଖୁବଶୀଘ୍ର ଖୁସି ଖବର ଦେବାକୁ ଯାଉଛନ୍ତି । ‌ତାଙ୍କର ନିକଟ‌ରେ ଗୋଦଭରାଇ ହୋଇଥିବା ଖବର ମିଳିଛି। ସେ ‌ବେବି ବମ୍ପକୁ ଦେଖାଇଥିବାର ଅନେକ ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଉତ୍ସବରେ ଈଶିତା ଖୁବ ଖୁସି ଥିବା ସହିତ ତାଙ୍କର ବେବି ବମ୍ପକୁ ଧରି ନାଚୁଥିବା ଦେଖିବାକୁ ମିଳୁଛି।

ବଲିଉଡ ସୁପରହିଟ ଚଳଚ୍ଚିତ୍ର ‘ଦୃଶ୍ୟମ୍’ରେ ଅଜୟ ଦେବଗନଙ୍କ ଝିଅ ଭୂମିକାରେ ଅଭିନୟ କରିଥିଲେ ଈଶିତା। ୨୦୧୭ ମସିହାରେ ଅଭିନେତା ବତ୍ସଲ ସେଠକୁ ଲୁଚାଛପାରେ ବିବାହ କରିଥିଲେ ଈଶିତା। ଈଶିତା ମା’ ହେବା ଖବର ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଈଶିତା ଏବଂ ବତ୍ସଲଙ୍କ ପାଖକୁ ଶୁଭେଚ୍ଛାର ସୁଅ ଛୁଟିଛି। ନିକଟରେ ତାଙ୍କର ଗୋଦଭରାଇ ପରମ୍ପରା ସମ୍ପର୍ଣ୍ଣ ହୋଇଛି। ତାଙ୍କର କୁନି ଅତିଥି ଭଲରେ ଭଲରେ ଏଦୁନିଆକୁ ଆସୁ ବୋଲି ସେ ତାଙ୍କ ପ୍ରଶଂସକଙ୍କୁ  ଆର୍ଶୀବାଦ ମାଗିଛନ୍ତି।

ଚଳଚ୍ଚିତ୍ରରେ ଅଭିନୟ କରିବା ପୂର୍ବରୁ ଈଶିତା ଟିଭି ସିରିଏଲରେ ମୁଖ୍ୟ ଚରିତ୍ରରେ ଅଭିନୟ କରୁଥିଲେ। ‘ବେପନାହ’, ବିଗବସ’ ଏବଂ ‘ନଚ୍ ବଲିଏ’ ଆଦିରେ ତାଙ୍କୁ ଦେଖିବାକୁ ମିଳିଛି। ଖୁବ କମ୍ ଲୋକ ଜାଣିଥିବେ ଯେ, ଈଶିତା ହେଉନ୍ତି ବଲିଉଡ ଅଭିନେତ୍ରୀ ତନୁଶ୍ରୀ ଦତ୍ତାଙ୍କ ସାନ ଭଉଣୀ।