ସନାଙ୍କୁ ନେଇ ୨୦୨୩ରେ ଶୋଏବ କରିଥିଲେ ଏ‌ଭଳି ପୋଷ୍ଟ, ଏବେ କଲେ ବିବାହ

ନୂଆଦିଲ୍ଲୀ: ପାକିସ୍ତାନୀ ଷ୍ଟାର କ୍ରିକେଟର ଶୋଏବ ମଲିକ ପୁଣି ବିବାହ କରିଛନ୍ତି। ଏହି କ୍ରିକେଟର ପାକିସ୍ତାନୀ ଅଭିନେତ୍ରୀ ସନା ଜାଭେଦଙ୍କୁ ତାଙ୍କ ଜୀବନସାଥୀ ଭାବେ ବାଛିଛନ୍ତି। ଶୋଏବଙ୍କ ଏହା ତୃତୀୟ ବିବାହ ହୋଇଥିବା ବେଳେ ବିବାହ ଖବର ସହିତ ସେ ଷ୍ଟାର ଟେନିସ ଖେଳାଳି ସାନିଆ ମିର୍ଜାଙ୍କଠାରୁ ଅଲଗା ହେବାର ଖବରକୁ ନିଶ୍ଚିତ କରିଛନ୍ତି।

କିଛି ମାସ ହେବ ସାନିଆ ମିର୍ଜା ଏବଂ ତାଙ୍କ ସ୍ୱାମୀ ଶୋଏବ ମଲିକଙ୍କ ମଧ୍ୟରେ କିଛି ଠିକ ନଥିବା ନେଇ ଚର୍ଚ୍ଚା ହୋଇ ଆସୁଥିଲା। ଦୁହେଁ ଛାଡ଼ପତ୍ର ନେବେ ବୋଲି ଚର୍ଚ୍ଚା ହେଉଥିଲେ ବି ଦମ୍ପତି କୌଣସି ପ୍ରତିକ୍ରିୟା ଦେଇନଥିଲେ। ହେଲେ ଏବେ ଶୋଏବ ତୃତୀୟ ବିବାହ କରି ସବୁ ପ୍ରଶ୍ନର ଉତ୍ତର ଦେଇସାରିଛନ୍ତି। ତେବେ ବିବାହ ପରେ ଶୋଏବ ୨୦୨୩ରେ କରିଥିବା ଏକ ପୋଷ୍ଟ ଖୁବ ଭାଇରାଲ ହେବାରେ ଲାଗିଛି।

ପୋଷ୍ଟରେ ଶୋଏବ ଦୁହିଁଙ୍କ ଫଟୋ ସେୟାର କରିବା ସହ 'ହାପି ବର୍ଥଡେ ବଡି' (ଜନ୍ମଦିନର ଶୁଭେଚ୍ଛା ସାଙ୍ଗ) ବୋଲି ଲେଖିଛନ୍ତି। ତାଙ୍କର ଏହି ପୋଷ୍ଟ ଏବେ ଭାଇରାଲ ହେବା ପରେ ଲୋକେ ତାଙ୍କୁ ଟ୍ରୋଲ କରୁଛନ୍ତି। ସାଙ୍ଗକୁ ପତ୍ନୀ କରିଦେଲ ବୋଲି କହି ଲୋକେ ତାଙ୍କୁ ଟ୍ରୋଲ କରିଥିବା ଦେଖାଯାଇଛି।

ଅନ୍ୟପକ୍ଷରେ ଶୋଏବ ଓ ସାନିଆ କିଛି ମାସ ପୂର୍ବରୁ ଛାଡ଼ପତ୍ର ନେଇ ସାରିଥିବା ସ୍ପଷ୍ଟ କରିଛନ୍ତି ସାନିଆଙ୍କ ପରିବାର ଲୋକେ। ଇନଷ୍ଟାରେ ପୋଷ୍ଟରେ ଏହା ସ୍ପଷ୍ଟ କରିବା ସହ ଶୋଏବଙ୍କୁ ବିବାହର ଶୁଭେଚ୍ଛା ଦେଇଛନ୍ତି ସାନିଆଙ୍କ ପରିବାର ଲୋକେ।