ପରଲୋକରେ ଅଭିନେତା ଜଗେଶ ମୁକତି, ଓଜନ ନେଲା ଜୀବନ
ମୁମ୍ବାଇ : ହିନ୍ଦୀ ଧାରାବାହିକ ଶ୍ରୀ ଗଣେଶ ଏବଂ ଅମିତା କା ଅମିତ ଭଳି ଭଳି ସୋ’ରେ ନଜର ଆସିଥିବା ଅଭିନେତା ଜଗେଶ ମୁକତିଙ୍କ ଦେହାନ୍ତ ହୋଇଛି | ମାତ୍ର ୪୭ବର୍ଷ ବୟସରେ ସେ ଦୁନିଆରୁ ବିଦାୟ ନେଇଛନ୍ତି | ବୁଧବାର ମୁମ୍ବାଇ ଡାକ୍ତରଖାନାରେ ତାଙ୍କର ମୃତ୍ୟୁ ହୋଇଥିବା ନେଇ ସୂଚନା ମିଳିଛି | ତେବେ ତାଙ୍କର ଓଜନ ତାଙ୍କର ଜୀବନ ନେଇଥିବା କହିଛନ୍ତି ଜଗେଶ ମୁକତିଙ୍କ ବନ୍ଧୁ | ଜୁନ ୫ରେ ତାଙ୍କୁ ନିଶ୍ୱାସ ନେବାରେ ସମସ୍ୟା ହେବାରୁ ମୁମ୍ବାଇର ଏକ ଡାକ୍ତରଖାନାକୁ ତାଙ୍କୁ ଅଣା ଯାଇଥିଲା | ପରେ ତାଙ୍କର କୋଭିଡ-୧୯ ପାଇଁ ସ୍ୱାବ ନମୁନା ପରୀକ୍ଷା କରାଯାଇଥିଲେ ମଧ୍ୟ ରିପୋର୍ଟ ନେଗେଟିଭ ଆସିଥିଲା |
Sambad is now on WhatsApp
Join and get latest news updates delivered to you via WhatsApp
ଜଗେଶ ମୁକାଟିଙ୍କ ଘନିଷ୍ଠ ବନ୍ଧୁ ସଞ୍ଜୟ ଗୋରାଡିଆ କହିଛନ୍ତି ଯେ, ଅଭିନେତାଙ୍କ ଓଜନ ତାଙ୍କ ସ୍ୱାସ୍ଥ୍ୟରେ ଜଟିଳତା ସୃଷ୍ଟି କରିଥିଲା । ପରେ ତାଙ୍କର ଆସ୍ଥମା ସମସ୍ୟା ସ୍ୱାସ୍ଥ୍ୟାବସ୍ଥାକୁ ଆହୁରି ଜଟିଳ କରିଥିଲା | ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେବାରୁ ତାଙ୍କୁ ଡାକ୍ତରଖାନା ନିଆଯିବା ପରେ ତାଙ୍କର କୋଭିଡ-୧୯ ପରୀକ୍ଷା କରାଯାଇଥିଲା, ଯାହା ନେଗେଟିଭ ଆସିଥିଲା। ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେଉଥିବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲେ ମଧ୍ୟ ବୁଧବାର ସେ ଜୀବନ ଯୁଦ୍ଧରେ ହାରିଯାଇଥିଲେ |
ହିନ୍ଦୀ ଧାରାବାହିକ ‘ଶ୍ରୀ ଗଣେଶ’ ଏବଂ ‘ଅମିତା କା ଅମିତ’ ସହ ବଲିଉଡ ଫିଲ୍ମ ‘ମନ’ ଏବଂ ‘ହସି ତୋ ଫସି’ ଭଳି ଫିଲ୍ମରେ ତାଙ୍କୁ ଦେଖିବାକୁ ମିଳିଥିଲା |