ଏହି ମାସରେ ବିବାହ କରିପାରନ୍ତି ସିଦ୍ଧାର୍ଥ-କିଆରା

ମୁମ୍ବାଇ: ବଲିଉଡର ରୋମାଣ୍ଟିକ ଯୋଡି ସିଦ୍ଧାର୍ଥ ମଲହୋତ୍ରା ଏବଂ ଅଭିନେତ୍ରୀ କିଆରା ଆଡଭାନୀ ଏବେ ସେମାନଙ୍କ ସମ୍ପର୍କକୁ ନେଇ ଚର୍ଚ୍ଚାରେ ଅଛନ୍ତି | ଆଉ ଏହାରି ମଧ୍ୟରେ ଏବେ ଏହି ଦୁହିଁଙ୍କ ବିବାହକୁ ନେଇ ଖବର ସାମ୍ନାକୁ ଆସିଛି | ମିଳିଥିବା ସୂଚନା ମୁତାବକ, କିଆରା ଏବଂ ସିଦ୍ଧାର୍ଥ ସେମାନଙ୍କ ସମ୍ପର୍କକୁ ଖୁବ ଶୀଘ୍ର ଏକ ନୂଆ ନାମ ଦେବାକୁ ପ୍ରସ୍ତୁତ ହେଉଛନ୍ତି। ଉଭୟ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି |

ଆଉ ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀଙ୍କ ବିବାହର ତାରିଖ ମଧ୍ୟ ପ୍ରକାଶ ପାଇଛି | ଶେରସାହା ଫିଲ୍ମରେ ସିଦ୍ଧାର୍ଥ ଏବଂ କିଆରାଙ୍କ ଯୋଡି ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା ​​| ଉଭୟଙ୍କ ପ୍ରେମ କାହାଣୀ ମଧ୍ୟ ଏହି ଚଳଚ୍ଚିତ୍ରରୁ ଆରମ୍ଭ ହୋଇଥିଲା | ଉଭୟ ସିଡ୍ ଏବଂ କିଆରା ଦୀର୍ଘ ସମୟ ଧରି ପରସ୍ପରକୁ ଡେଟ୍ କରୁଛନ୍ତି | ତେବେ ବର୍ତ୍ତମାନ ଏକ ଖବର ଆସିଛି ଯେ ସିଦ୍ଧାର୍ଥ ଏବଂ କିଆରା ଆସନ୍ତା ବର୍ଷ ୨୦୨୩ରେ ବିବାହ ପାଇଁ ପ୍ରସ୍ତୁତ ହେଉଛନ୍ତି। ଉଭୟ ଏପ୍ରିଲ ମାସରେ ବିବାହ କରିପାରନ୍ତି | ସିଦ୍ଧାର୍ଥ ଓ କିଆରାଙ୍କ ବିବାହ ବାବଦରେ କହିବାକୁ ଗଲେ ଏହା ଏକ ପାରିବାରିକ କାର୍ଯ୍ୟକ୍ରମ ହେବ |

ବିବାହ ପାଇଁ ବଲିଉଡର ଅଳ୍ପ ଲୋକଙ୍କୁ ନିମନ୍ତ୍ରଣ କରାଯିବ | ଅଧିକାଂଶ ବିବାହ କାର୍ଯ୍ୟ ସିଦ୍ଧାର୍ଥଙ୍କ ପରିବାର ଏବଂ ସମ୍ପର୍କୀୟଙ୍କ ସହ ଦିଲ୍ଲୀରେ ଅନୁଷ୍ଠିତ ହେବାକୁ ଯାଉଛି। କିଆରା ଏବଂ ସିଡ୍ ପ୍ରଥମେ ଏକ ରେଜିଷ୍ଟ୍ରେଡ଼ ବିବାହ କରିବେ ଏବଂ ପରେ ରିସେପସନ୍ ଓ କକେଟେଲ ପାର୍ଟି କରିବେ | ଯେଉଁ ପାର୍ଟିକୁ ବଲିଉଡ ସେଲିବ୍ରିଟିଙ୍କୁ ନିମନ୍ତ୍ରଣ କରାଯିବ |