ସିଦ୍ଧାର୍ଥଙ୍କ ମୃତ୍ୟୁ ଖବର ଶୁଣିବା ପରେ କୋମାକୁ ଚାଲିଗଲେ ଯୁବତୀ
ନୂଆଦିଲ୍ଲୀ: ଟେଲିଭିଜନର ଲୋକପ୍ରିୟ ଅଭିନେତା, ବିଗବସ -୧୩ ବିଜେତା ସିଦ୍ଧାର୍ଥ ଶୁକ୍ଳାଙ୍କ ମୃତ୍ୟୁ ତାଙ୍କ ପ୍ରଶଂସକମାନଙ୍କୁ ଗଭୀର ଆଘାତ ଦେଇଛି। ସିଦ୍ଧାର୍ଥଙ୍କ ମୃତ୍ୟୁ ପରେ ତାଙ୍କ ମା’, ପରିବାରଲୋକ ଓ ଶେହନାଜ ଗିଲ ସ୍ଥାଣୁ ପାଲଟି ଯାଇଛନ୍ତି। ଏହି କ୍ରମରେ ସିଦ୍ଧାର୍ଥଙ୍କ ଜଣେ ମହିଳା ପ୍ରଶଂସକ ଅଭିନେତାଙ୍କ ମୃତ୍ୟୁ ଖବରକୁ ଗ୍ରହଣ କରି ପାରି ନଥିଲେ। ସେ କୋମାକୁ ଚାଲି ଯାଇଥିବା ପ୍ରକାଶିତ ରିପୋର୍ଟରୁ ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଜଏସ ଠାକେର ହସ୍ପିଟାଲରୁ ସିଦ୍ଧାର୍ଥଙ୍କ ମହିଳା ପ୍ରଶଂସକଙ୍କ ଫଟୋ ସେୟାର କରି ଏହି ସୂଚନା ଦେଇଛନ୍ତି। ଏହି କ୍ରମରେ କବିତା କୌଶିକ ସିଦ୍ଧାର୍ଥଙ୍କ ପ୍ରଶଂସକଙ୍କ ଏଭଳି ଅବସ୍ଥା ଦେଖି ଦୁଃଖ ବ୍ୟକ୍ତ କରିଛନ୍ତି। ସେ ଅନ୍ୟମାନଙ୍କୁ ନିଜର ଯତ୍ନ ନେବାକୁ କହିଛନ୍ତି।
Getwell soon. Doctor said she is under partial coma due to excessive stress her pupil & limbs are not responding, i want every fan admires and supporters to stay calm, stop thinking much, and distract your mind, i knw its not easy. Bt u will have to let Sidharth go. Prayers🙏 pic.twitter.com/WbQ4MzsBB6
— Dr. Jayesh Thaker (@JThakers) September 3, 2021
ବ୍ୟକ୍ତି ଜଣକ ମହିଳାଙ୍କ ଫଟୋ ସେୟାର କରି ଲେଖିଛନ୍ତି, ଖୁବଶୀଘ୍ର ଠିକ ହୋଇଯାଅ। ଡାକ୍ତର କହିଛନ୍ତି ସେ ଆଂଶିକ କୋମାକୁ ଚାଲି ଯାଇଛନ୍ତି। ଅତ୍ୟଧିକ ଚିନ୍ତା ହେତୁ ତାଙ୍କ ଆଖିର ଡୋଳା ଓ ଶରୀରର କିଛି ଅଙ୍ଗ କାମ କରୁ ନାହିଁ। ସମସ୍ତ ପ୍ରଶଂସକ ଓ ସମର୍ଥକଙ୍କୁ ଶାନ୍ତ ରହିବାକୁ ମୁଁ ଅନୁରୋଧ କରୁଛି। ଅଧିକ ଚିନ୍ତା କରନ୍ତୁ ନାହିଁ । ଆପଣଙ୍କ ମସ୍ତିଷ୍କକୁ ଅନ୍ୟ କଥାରେ ଭୁଲାଇ ଦିଅନ୍ତୁ। ହୁଏତ ଆପଣମାନଙ୍କ ପାଇଁ ଏହା ସହଜ ନୁହେଁ, କିନ୍ତୁ ଆପଣଙ୍କୁ ସିଦ୍ଧାର୍ଥଙ୍କୁ ଯିବାକୁ ଦେବାକୁ ହେବ ।