ପୁଣି ବିବାଦରେ କଙ୍ଗନା : କଙ୍ଗନା ଆତ୍ମହତ୍ୟା କଲା ଭଳି କାମ କରିବା ଆରମ୍ଭ କରିଛନ୍ତି ବୋଲି କହିଲେ ଲେଖକ ଅପୂର୍ବ ଅସରାନୀ

ମୁମ୍ବାଇ : ବଲିଉଡ୍‌ର କୁଇନ୍‌ କଙ୍ଗନା ରାନାଓ୍ଵତ୍‌ଙ୍କୁ ନେଇ ବିବାଦ ଥମିବାରେ ନାଁ ନେଉ ନାହିଁ । ଦିନକୁ ଦିନ ଫିଲ୍ମ ‘ମଣିକର୍ଣ୍ଣିକା’ର ଜଣେ ପରେ ଜଣେ ସଦସ୍ୟ ଫିଲ୍ମ ଛାଡ଼ୁଥିବା ବେଳେ ଏବେ କଙ୍ଗନା ନିଜେ ଏହି ଫିଲ୍ମକୁ ଶେଷ କରିବେ ବୋଲି ଜଣାପଡ଼ିଛି । କିଛି ଦିନ ତଳେ ଅଭିନେତା ସୋନୁ ସୁଦ୍‌ ଏବଂ ନିର୍ଦ୍ଦେଶକ କୃଷ୍ଣ ଏହି ଫିଲ୍ମ ଛାଡ଼ି ଦେଇଥିବା ଖବର ଆସିଥିବା ବେଳେ ଏବେ କଙ୍ଗନା ଏହି ଫିଲ୍ମର ନିର୍ଦ୍ଦେଶନା ଦେଉଥିବା ଦେଖିବାକୁ ମିଳିଛି।

A star hijacking a film & running down the hard work of crew member/s is the worst form of hara-kiri there is. When affected filmmakers cannot control this & instead put on a facade of a ‘dignified silence’, they allow a monstrous ego to go on a rampage & eventually kill the film

— Apurva Asrani (@Apurvasrani) September 1, 2018

କଙ୍ଗନାଙ୍କ ନିର୍ଦ୍ଦେଶନାକୁ ଦେଖି ନିଜର ମତ ରଖିଛନ୍ତି ଲେଖକ ଅପୂର୍ବ ଅସରାନୀ । ସେ କହିଛନ୍ତି, "ଫିଲ୍ମରେ କ୍ୟାମେରା ପଛରେ ମଧ୍ୟ ନିଜକୁ ପ୍ରଧାନ୍ୟ ଦେବା,ଲୋକମାନଙ୍କ ଉପରେ ନିଜର ଆଧିପତ୍ୟ ଜାହିର କରିବା ଏବଂ ନିଜ କଥା ମନେଇବା ଭଳି କଥା କହିବା ଆତ୍ମହତ୍ୟା ସହ ସମାନ । ଏପରି କରି ସେ ନିଜକୁ ଖାଲ ଭିତରକୁ ଠେଲୁଛନ୍ତି।" ଏହା ପ୍ରଥମ ନୁହେଁ ଏହା ପୂର୍ବରୁ ଫିଲ୍ମ ‘ସିମ୍ରନ୍‌’କୁ ନେଇ କଙ୍ଗନା ଏବଂ ଅପୂର୍ବଙ୍କ ମଧ୍ୟରେ ବିବାଦ ଦେଖା ଯାଇଥିଲା । ଅପୂର୍ବଙ୍କୁ ତାଙ୍କ କାମ ପାଇଁ କଙ୍ଗନା କୌଣସି ଶ୍ରେୟ ଦେଇ ନଥିବାରୁ ଦୁହିଁଙ୍କ ମଧ୍ୟ ବିବାଦ ଆରମ୍ଭ ହୋଇଥିଲା, ଯାହା ‘ମଣିକର୍ଣ୍ଣିକା’କୁ ନେଇ ତେଜୁଥିବା ଦେଖା ଯାଇଛି ।