ମୁମ୍ବାଇ: ବଲିଉଡର ‘ହ୍ୟଣ୍ଡସମ ହଙ୍କ’ ଗାୟକ ଭାବେ ଲୋକପ୍ରିୟ ଅରମାନ ମଲିକଙ୍କ ପାଇଁ ସାରା ଦୁନିଆ ପାଗଳ। ସେ ନିଜ ସ୍ୱର ସହିତ ସମସ୍ତଙ୍କୁ ବିସ୍ମିତ କରିଛନ୍ତି। ତାଙ୍କ ଲୁକ୍ ଓ କଣ୍ଠ ପାଇଁ ସେ ଅନେକ ଯୁବତୀଙ୍କ ହୃଦୟ ଉପରେ ରାଜ କରୁଥିବା ବେଳେ ତାଙ୍କ ହୃଦୟ ଉପରେ ଏତେ ଦିନ ହେଲାଣି କିଏ ରାଜ୍ କରିଆସୁଥିଲେ, ତାହା କିଛି ଦିନ ତଳେ ଜଣାପଡ଼ିଥିଲା। ଅରମାନଙ୍କ ମନର ନାୟିକା ଫ୍ୟାଶନ ଇନଫ୍ଲୁଏନସର ଆଶନା ଶ୍ରଫ ବୋଲି ଜଣାପଡ଼ିଥିଲା। ଏବେ ଅରମାନ ମଲିକ ଦୀର୍ଘ ଦିନ ଧରି ଡେଟ୍ କରୁଥିବା ପ୍ରେମିକା ତଥା ଫ୍ୟାଶନ ଇନଫ୍ଲୁଏନସର ଆଶନା ଶ୍ରଫଙ୍କ ସହ ଅଧିକାରୀକ ଭାବେ ନିର୍ବନ୍ଧ କରିଛନ୍ତି। ଅରମାନଙ୍କ ନିର୍ବନ୍ଧର କିଛି ଫଟୋ ମଧ୍ୟ ସାମ୍ନାକୁ ଆସିଛି ଯାହା ସୋସିଆଲ ମିଡିଆରେ ଭାଇରାଲ ହେଉଛି।

Advertisment

ଭାଇରାଲ ଫଟୋରେ ଅରମାନ, ଆଶନାଙ୍କ ଓଠରେ ଚୁମ୍ବନ ଦେଉଥିବା ଦେଖିବାକୁ ମିଳିଛି। ଅଗଷ୍ଟ ମାସରେ ଅରମାନ ଆଶନାଙ୍କୁ ମୁଦି ପିନ୍ଧାଇ ବିବାହ ପ୍ରସ୍ତାବ ଦେଇଥିଲେ। ଆଶନା ହଁ କରିବା ପରେ ଏବେ ପରିବାର ଓ ବନ୍ଧୁବାନ୍ଧବଙ୍କ ଉପସ୍ଥିତିରେ ଦୁହେଁ ନିର୍ବନ୍ଧ କରିଥିବା‌ ଦେଖାଯାଇଛି।

ଭାଇରାଲ ହେଉଥିବା ଭିଡିଓରେ ଉଭୟ ପରସ୍ପରକୁ ମୁଦି ପିନ୍ଧାଇବା ପରେ ଆଲିଙ୍ଗନ କରୁଛନ୍ତି। ଏହା ପରେ ଅରମାନ, ଆଶନାଙ୍କ ଓଠରେ ଚୁମ୍ବନ ଦେଉଥିବା ଦେଖାଯାଇଛି।