ମୁମ୍ବାଇ: ପଞ୍ଜାବୀ ସିନେମାର ପ୍ରସିଦ୍ଧ ଗାୟକ-ଅଭିନେତା ଗୁରୁ ରନ୍ଧାୱାଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ଷ୍ଟଣ୍ଟ କରିବା ସମୟରେ ଅଭିନେତା ଜଣକ ଗୁରୁତର ଆହତ ହୋଇଥିବା ଜଣାଯାଇଛି। ଏହି କାରଣରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଗୁରୁ ନିଜେ ସୋସିଆଲ ମିଡିଆରେ ନିଜର ଫଟୋ ସେୟାର କରି ସମସ୍ତଙ୍କୁ ଏହି ସୂଚନା ଦେଇଛନ୍ତି। ଫଟୋରେ, ଗୁରୁ ହସ୍ପିଟାଲ ବେଡ୍ ଉପରେ ଶୋଇଥିବାର ଦେଖାଯାଇଛି।

Advertisment

ଗୁରୁ ରନ୍ଧାୱା ବର୍ତ୍ତମାନ ତାଙ୍କର ଆଗାମୀ ଫିଲ୍ମ 'ଶୌଙ୍କି ସର୍ଦ୍ଦାର'ର ସୁଟିଂ କରୁଛନ୍ତି। ଏହି ଫିଲ୍ମର ସୁଟିଂ ସେଟରେ ଗୁରୁ ଆହତ ହୋଇଥିଲେ ବୋଲି ଜଣାଯାଇଛି। ଅଭିନେତା ତାଙ୍କ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି। ଏହି ଫଟୋରେ ସେ ହସ୍ପିଟାଲ ବେଡ୍ ଉପରେ ଆହତ ଅବସ୍ଥାରେ ପଡ଼ିଥିବା ଦେଖାଯାଇଛି। ତାଙ୍କ ବେକ ଏବଂ ମୁଣ୍ଡରେ ଆଘାତ ଲାଗିଥିବା ଜଣାପଡ଼ିଛି। ଫଟୋରେ, ଅଭିନେତା ହସୁଛନ୍ତି ଏବଂ କ୍ୟାମେରା ପାଇଁ ପୋଜ୍ ଦେଉଛନ୍ତି।

ଏହି ଫଟୋ ସେୟାର କରି ଗୁରୁ କ୍ୟାପସନରେ ଲେଖିଛନ୍ତି, "ମୋର ପ୍ରଥମ ଷ୍ଟଣ୍ଟ, ମୋର ପ୍ରଥମ ଆଘାତ, କିନ୍ତୁ ମୋର ସାହସ ଅକ୍ଷୁର୍ଣ୍ଣ ଅଛି। 'ଶୌନକି ସର୍ଦ୍ଦାର' ଫିଲ୍ମ ସେଟର ଏକ ସ୍ମୃତି। ଆକ୍ସନ ଏକ ବହୁତ କଷ୍ଟକର କାମ। କିନ୍ତୁ ମୁଁ ମୋର ଦର୍ଶକଙ୍କ ପାଇଁ କଠିନ ପରିଶ୍ରମ କରିବି।"