ଜସ୍ଲିନ୍ଙ୍କୁ ଏକ ବର୍ଷ ପର୍ଯ୍ୟନ୍ତ ଡେଟ୍ କରିଥିବା ଖବର ଉପରେ ନିଜର ବୟାନ ରଖିଲେ କଣ୍ଠଶିଳ୍ପୀ ସୁଖବିନ୍ଦର ସିଂ, ଅନେକ ରାଜ୍ ଉପରୁ ଉଠାଇଲେ ପରଦା
ମୁମ୍ବାଇ : ଆରମ୍ଭ ହେବା ଠାରୁ ହିଁ ବିଭିନ୍ନ କାରଣରୁ ଚର୍ଚ୍ଚାରେ ରହି ଆସିଛି ରିୟାଲିଟି ସୋ’ ‘ବିଗ୍ ବସ୍’ର ସିଜିନ୍ ୧୨ । ଏହି ସୋ’ରେ ଚର୍ଚ୍ଚିତ ଯୋଡ଼ିମାନଙ୍କ ମଧ୍ୟରେ ସବୁଠାରୁ ଆଗରେ ରହିଛନ୍ତି ଜସ୍ଲୀନ୍ ମଥାରୁ ଏବଂ ଭଜନ ସମ୍ରାଟ ଅନୁପ ଜଲୋଟା। ଦୁହିଁଙ୍କ ମଧ୍ୟରେ ଥିବା ବୟସର ପାର୍ଥକ୍ୟ ପାଇଁ ସୋ’ ଆରମ୍ଭରୁ ଚର୍ଚ୍ଚା ହୋଇଥିବା ବେଳେ ପରେ ଜସ୍ଲୀନ୍ ବର୍ଷେ ପର୍ଯ୍ୟନ୍ତ କଣ୍ଠଶିଳ୍ପୀ ସୁଖ୍ବିନ୍ଦର ସିଂହଙ୍କୁ ଡ଼େଟ୍ କରୁଥିଲେ ବୋଲି ଜଣାପଡ଼ିଥିଲା । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ । ସବୁଠାରୁ ବଡ଼ କଥା ହେଲା ଏହି ଖବର ଶୁଣି ନିଜେ ସୁଖୀ ପାଜି(ସୁଖ୍ବିନ୍ଦର ସିଂହ) ମଧ୍ୟ ଆଶ୍ଚର୍ଯ୍ୟ ହୋଇ ଯାଇଥିଲେ । କିଛି ଦିନ ତଳେ ଏକ ଟାସ୍କ କରୁଥିବା ସମୟରେ ଜସ୍ଲୀନ୍ ଏ ବିଷୟରେ ଜଣାଇଥିବା ବେଳେ ଏବେ ଏହି ଖବରରେ କେତେ ସତ୍ୟତା ରହିଛି ତା’ହା ଜଣାଇଛନ୍ତି ସୁଖ୍ବିନ୍ଦର ସିଂହ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, “ମୁଁ ଜସ୍ଲୀନ୍ଙ୍କୁ ୬ ବର୍ଷ ହେବ ଜାଣିଛି । ଆମେ ଏକାଠି ଅନେକ ସୋ’ରେ କାମ କରିଛୁ । ସେ ତାଙ୍କ ସାଙ୍ଗ ଏବଂ ପରିବାର ଲୋକଙ୍କୁ ନେଇ ଅନେକ ଥର ଆମ ଘରକୁ ଆସିଛନ୍ତି । କିନ୍ତୁ ସେ ଡ଼େଟ୍ କରିବାର ମିଛ ଖବର କ’ଣ ପାଇଁ ଜଣାଇଲେ ତାହା ମୋତେ ଆଶ୍ଚର୍ଯ୍ୟ କରିଛି । ମୁଁ ଏହାର କାରଣ ଜାଣିବା ପାଇଁ ଜସ୍ଲୀନ୍ଙ୍କ ମାତା-ପିତାଙ୍କ ସହ ନିଶ୍ଚୟ କଥା ହେବି।”