ସଚ୍ଚିନ୍ ତେନ୍ଦୁଲକରଙ୍କ ଏଭଳି ଟୁଇଟ୍ ଦେଖି ରାଗି ଗଲେ ସୋନା, ଦେଲେ କଡ଼ା ପ୍ରତିକ୍ରିୟା
ମୁମ୍ବାଇ : ସୋନୁ ନିଗମଙ୍କ ପରେ ଏବେ ସଚ୍ଚିନ ତେନ୍ଦୁଲକରଙ୍କୁ ଟାର୍ଗେଟ କରିଛନ୍ତି ବଲିଉଡ୍ କଣ୍ଠଶିଳ୍ପୀ ସୋନା ମହାପାତ୍ର । ସୋନୁ ନିଗମ ତାଙ୍କୁ ନିୟନ୍ତ୍ରଣରେ ରଖିବା ପାଇଁ ତାଙ୍କ ସ୍ୱାମୀଙ୍କୁ ଉପଦେଶ ଦେଉଥିବା କଥା କହି ସୋନା ସୋନୁ ନିଗମଙ୍କୁ ଟୁଇଟ୍ କରି ଟାର୍ଗେଟ କରିଥିଲେ । ଏବେ ସେ କ୍ରିକେଟର ଭଗବାନ ସଚ୍ଚିନ ତେନ୍ଦୁଲକର କରିଥିବା ଟୁଇଟ୍ ଉପରେ ମଧ୍ୟ ଆପତ୍ତି ଉଠାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଇଣ୍ଡିଆନ୍ ଆଇଡଲର ପ୍ରତିଯୋଗୀଙ୍କୁ ପ୍ରଶଂସା କରି ସଚ୍ଚିନ ଲେଖିଥିଲେ କି, ଇଣ୍ଡିଆନ୍ ଆଇଡଲର ପ୍ରତିଭାଶାଳୀ ପ୍ରତିଯୋଗୀମାନଙ୍କର ଗୀତ ସତରେ ମନ ଛୁଇଁବା ଭଳି । ରାହୁଲ, ଚେଲ୍ସି, ଦିବସ ଏବଂ ସନି ଦେଶର ଭିନ୍ନ ଭିନ୍ନ କୋଣରୁ ଆସୁଥିଲେ ମଧ୍ୟ ସଙ୍ଗୀତ ପାଇଁ ସମସ୍ତଙ୍କର ସମାନ ସମର୍ପଣ ରହିଛି । ମୋର ବିଶ୍ୱାସ କି ସେ ଲମ୍ବା ରାସ୍ତା ଅତିକ୍ରମ କରିବେ।
ସଚ୍ଚିନ୍ଙ୍କ ଏଭଳି ଟୁଇଟ୍ର ଜବାବ ରଖି ସୋନା ଲେଖିଛନ୍ତି କି, ପ୍ରିୟ ସଚ୍ଚିନ, କିଛି ମହିଳା ଓ ନାବାଳିକାଙ୍କ #ମି ଠୁ କାହାଣୀ ଆପଣ ଶୁଣିଛନ୍ତି କି? ଯାହା ଗତ ବର୍ଷ ଇଣ୍ଡିଆନ ଆଇଡଲର ଜଜ୍ ଅନୁ ମଲିକ୍ଙ୍କ ବିରୋଧରେ ଆସିଥିଲା । ତାଙ୍କର ଏଭଳି କାମ କ’ଣ କାହା ମନକୁ ଛୁଉଁ ନାହିଁ? ବୋଲି ପ୍ରଶ୍ନ କରିଥିଲେ ସୋନା ।