ଆଜି ରାତିରୁ ଆସନ୍ତାକାଲି ୪ଟା ଯାଏଁ ଚାଲିବ ସୋନାକ୍ଷୀଙ୍କ ବିବାହ ଭୋଜିର କାର୍ଯ୍ୟକ୍ରମ
ମୁମ୍ବାଇ: ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ଜୁନ୨୩ ତାରିଖରେ ଜହିରଙ୍କ ସହିତ ରେଜିଷ୍ଟ ବିବାହ କରିବାକୁ ଯାଉଛନ୍ତି। ରାତିରେ ଦୁହିଁଙ୍କର ବିବାହ ଭୋଜିର ଆୟୋଜନ କରାଯାଇଛି। ଏହି ଭୋଜିରେ ଯୋଗ ଦେଇ ଡିଜେ ଗଣେଶ ନିଜର ପ୍ରଦର୍ଶନ ଦେଖାଇବେ।
Sambad is now on WhatsApp
Join and get latest news updates delivered to you via WhatsApp
ଗଣେଶ କହିଛନ୍ତି, ‘ସୋନାକ୍ଷୀ ଓ ଜହିରଙ୍କ ବିବାହ ଭୋଜିରେ ସାମିଲ ହେବାପାଇଁ ପାଖାପାଖି ୧୦୦୦ଜଣ ଲୋକଙ୍କୁ ନିମନ୍ତ୍ରଣ କରାଯାଇଛି। ନିମନ୍ତ୍ରଣ ଅତିଥିଙ୍କ ମଧ୍ୟରେ ରାଜନେତା, ବଲିଉଡ କଳାକାର ଓ ବ୍ୟବସାୟୀଙ୍କ ସମେତ ଆହୁରି ଅନେକ ଲୋକ ସାମିଲ ହେବେ। ଏହି ବିବାହ ଭୋଜି ଆଜି ରାତି ଅର୍ଥାତ ଜୁନ ୨୩ ତାରିଖରେ ଆରମ୍ଭ ହୋଇ ଆସନ୍ତାକାଲି ୪ଟା ପର୍ଯ୍ୟନ୍ତ ଚାଲିବ।
ବିଶେଷ ସୂତ୍ରରୁ ଖବର ମିଳିଛି, ସୋନାକ୍ଷୀ ଓ ଜହିର ଦୁହେଁ ମସଜିଦ ଆକ୍ଟ ଜରିଆରେ ବିବାହ କରିବେ। ଏହି ବିବାହ ବାନ୍ଦ୍ରାରେ ସୋନାକ୍ଷୀଙ୍କ ଘରେ ହେବ। ବିବାହ ପରେ ଗଣମାଧ୍ୟମ ସହିତ ବି କିଛିସମୟ ବିତାଇବାର ଯୋଜନା ରହିଛି।
ତେବେ ସୋନାକ୍ଷୀ ଓ ଜହିର ଏଯାବତ ତାଙ୍କ ବିବାହ ପ୍ରସ୍ତୁତିକୁ ଗୋପନ ରଖିଛନ୍ତି। ଏଯାବତ ତାଙ୍କର ହଳଦୀ ଓ ମେହେନ୍ଦୀର କୌଣସି ଫଟୋ ବି ସାମ୍ନାକୁ ଆସିନାହିଁ। ଏହାକୁ ନେଇ ସୋନାକ୍ଷୀଙ୍କ ଫ୍ୟାନ୍ସ ତାଙ୍କୁ ଟ୍ରୋଲ କରିବା ବି ଆରମ୍ଭ କରି ଦେଇଛନ୍ତି।