ଖାଲି ବାହାଘର କାହିଁକି, ବେଦିରେ ମନ୍ତ୍ର ବି ପଢିଦେବି ! ବିବାହ କରାଇ ଦେବାକୁ ଟୁଇଟ୍ କରିଥିବା ଜଣେ ବ୍ୟକ୍ତିଙ୍କୁ ଏଭଳି ଉତ୍ତର ଦେଲେ ସୋନୁ
ନୂଆଦିଲ୍ଲୀ: କରୋନା ବେଳେ ହୋଇଥିବା ଲକଡାଉନ ଓ ସଟଡାଉନରେ ପ୍ରବାସୀ ଶ୍ରମିକଙ୍କ ସହ ଛାତ୍ରଛାତ୍ରୀଙ୍କୁ ସାହାଯ୍ୟ ଯୋଗାଇଥିବା ବଲିଉଡ୍ ଅଭିନେତା ସୋନୁ ସୁଦଙ୍କ ବାବଦରେ ତ ଆପଣ ସମସ୍ତେ ଜାଣିଥିବେ | ପ୍ରବାସୀ ଶ୍ରମିକଙ୍କୁ ତାଙ୍କ ଘରେ ପହଂଚାଇବା ହେଉ ବା ଚାକିରି ହରାଇଥିବା ବ୍ୟକ୍ତିଙ୍କୁ ବ୍ୟବସାୟ ପାଇଁ ସାହାଯ୍ୟ କରି ବେଶ ଚର୍ଚ୍ଚାକୁ ଆସିଥିଲେ ସୋନୁ | ଆଉ ସୋନୁଙ୍କୁ ଅନେକ ଲୋକ ବି ସାହାଯ୍ୟ ମାଗିଥିଲେ | ତେବେ ଆଜି ଆମେ ଆପଣଙ୍କୁ ଏମିତି କିଛି ନିବେଦନ ବାବଦରେ କହିବୁ ଯାହାକି ହସର ଖୋରାକ ଯୋଗାଇଛି |
Sambad is now on WhatsApp
Join and get latest news updates delivered to you via WhatsApp
क्यों नहीं..शादी के लिए मंत्र भी पढ़ दूंगा।
बस लड़की ढूंढने का कष्ट आप कर लें। 🙏 https://t.co/M8qKx664O9— sonu sood (@SonuSood) March 16, 2021
କାରଣ କିଛି ଲୋକ ସୋନୁଙ୍କୁ ଟ୍ୱିଟ କରି ବ୍ୟକ୍ତିଗତ ସମସ୍ୟା ସମାଧାନ ପାଇଁ ନିବେଦନ କରୁଛନ୍ତି ଓ ସୋନୁ ତାଙ୍କୁ ଉତ୍ତର ମଧ୍ୟ ଦେଉଛନ୍ତି | ଆଜି ଜଣେ ବ୍ୟକ୍ତି ସୋନୁଙ୍କୁ ଟ୍ୱିଟ କରି ଲେଖିଥିଲେ ଯେ ଦୟାକରି ମୋର ବାହାଘର କରାଇଦିଅନ୍ତୁ | ସୋନୁ ସେହି ବ୍ୟକ୍ତିଙ୍କୁ ଉତ୍ତର ଦେବାକୁ ଯାଇ ଲେଖିଛନ୍ତି ଯେ, ‘କାହିଁକି ନୁହେଁ, ବିବାହ ପାଇଁ ମନ୍ତ୍ର ବି ପଢିଦେବି | କେବଳ ଝିଅ ଖୋଜିବା କଷ୍ଟ ଆପଣ କରନ୍ତୁ।’
ତେବେ ଏହା ପ୍ରଥମ ଥର ନୁହେଁ ପୂର୍ବରୁ ଜଣେ ଟ୍ୱିଟର ବ୍ୟବହାରକାରୀ ସୋନୁଙ୍କୁ ମାଳଦ୍ଵୀପ ଯିବା ପାଇଁ ସାହାଯ୍ୟ କରିବାକୁ କହିଥିବା ବେଳେ ସୋନୁ ଉତ୍ତର ଦେଇଥିଲେ ଯେ ସାଇକେଲରେ ଯିବେ ନା ରିକ୍ସାରେ ଯିବେ ?