/sambad/media/agency_attachments/2024-07-24t043029592z-sambad-original.webp)
/sambad/media/post_attachments/wp-content/uploads/2021/08/Untitled-5.jpg)
ମୁମ୍ବାଇ: ସବୁବେଳେ କ୍ଷୁଦ୍ର ବ୍ୟବସାୟୀମାନଙ୍କୁ ସମର୍ଥନ କରି ଆସୁଥିବା ବଲିଉଡ୍ କଳାକାର ସୋନୁ ସୁଦ୍ ନିକଟରେ ଜଣେ ରାସ୍ତାକଡ଼ର ବେପାରୀଙ୍କଠାରୁ ମୂଲଚାଲ କରି ଚପଲ କିଣୁଥିବା ବେଳର ଭିଡିଓ ଭାଇରାଲ୍ ହୋଇଛି। ଭିଡିଓଟି ଶ୍ରୀନଗରର। ସୋନୁ ରାସ୍ତାକଡ଼ର ସେହି ବେପାରୀଙ୍କଠାରୁ ଚପଲ କିଣିବା ସହ ସମସ୍ତଙ୍କୁ କ୍ଷୁଦ୍ର ବେପାରୀଙ୍କଠାରୁ ଜିନିଷ କିଣିବା ପାଇଁ ନିବେଦନ କରୁଥିବାର ଭିଡିଓରେ ଦେଖିବାକୁ ମିଳିଛି।
View this post on Instagram
ଚପଲ ବ୍ୟବସାୟୀ ଜଣକ ହେଉଛନ୍ତି ଶମିମ ଖାନ। ସୋନୁ ଶମିମ୍ ଙ୍କଠାରୁ ଚପଲ କିଣିବାକୁ କହୁଥିବା ଦେଖିବାକୁ ମିଳିଛିି। କେବଳ ସେତିକି ନୁହେଁ, ତାଙ୍କଠାରୁ ଚପଲ କିଣିଲେ ସୋନୁଙ୍କ ନାମରେ ୨୦ ପ୍ରତିଶତ ରିହାତି ମିଳିବ ବୋଲି ମଧ୍ୟ ଭିଡିଓରେ ସୂଚୀନ କରାଯାଇଛି।
View this post on Instagram
ସେ ଭିଡିଓରେ କ୍ୟାପ୍ସନ୍ ଦେଇଛନ୍ତି, ‘ଆମ ଚପଲ ସୋ’ ରୁମ୍ରେ ମୋ ନାମରେ ୨୦ ପ୍ରତିଶତ ରିହାତି।’ ସୋନୁ ଭିଡିଓରେ ବିଭିନ୍ନ ପ୍ରକାରର ଚପଲ ଦେଖାଇବେ ସହ ବେପାରୀଙ୍କ ସହ ମୂଲଚାଲ କରୁଥିବା ବି ଭିଡିଓରେ ଦେଖିବାକୁ ମିଳିଛି।’
