ଭୁବନେଶ୍ବର : ନୂତନ ଓଡ଼ିଆ ମନୋରଞ୍ଜନ ଚାନେଲ ଷ୍ଟାର୍‌ କିରଣ ଏହାର ଦର୍ଶକମାନଙ୍କୁ ୨୮ ତାରିଖ (ରବିବାର) ସନ୍ଧ୍ୟା ୬ଟାରେ ବିଶ୍ବନାଥ ଚଳଚ୍ଚିତ୍ରର ୱାର୍ଲଡ ଟେଲିଭିଜନ ପ୍ରିମିୟର (ଡବ୍ଲ୍ୟୁଟିପି) ପ୍ରସାରଣ କରିବ। ଏହି ଚଳଚ୍ଚିତ୍ରରେ ନାୟକ ଓ ନାୟିକା ଭୂମିକାରେ ସମ୍ବିତ ଆଚାର୍ଯ୍ୟ ଏବଂ ସମ୍ଭାବନା ମହାନ୍ତି ଅଭିନୟ କରିଛନ୍ତି। ଏହା ଏକ ପାରିବାରିକ ମନୋରଞ୍ଜନ ଚଳଚ୍ଚିତ୍ର। ଦର୍ଶକଙ୍କୁ ପରିବାର ସହ ଟିଭି ପରଦାରେ ବାନ୍ଧି ରଖିବା ପାଇଁ ବିଶ୍ବନାଥ ଏକ ରୋମାଣ୍ଟିକ କାହାଣୀ। ଏହାର କାହାଣୀଟି ଗାୟତ୍ରୀ ଚରିତ୍ରରେ ସମ୍ଭାବନା ଓ ବିଶ୍ବନାଥ ଚରିତ୍ରରେ ସମ୍ବିତଙ୍କ ମଧ୍ୟରେ ଥିବା ରୋମାଣ୍ଟିକ ସଂପର୍କ ଉପରେ ଆଧାରିତ ଏବଂ ସେ ଗ୍ରାୟତ୍ରୀ ପରିବାର ସଦସ୍ୟଙ୍କ ହୃଦୟ ଜିତିବାକୁ ଚେଷ୍ଟା କରିବାରେ କେତେଦୂର ସଫଳ ହେବେ ଏହା ଉପରେ ବିଶ୍ବନାଥ ଚଳଚ୍ଚିତ୍ରର କାହାଣୀ ପରିବେଷିତ।