ରାଜ୍ୟ ଚଳଚ୍ଚିତ୍ର ପୁରସ୍କାର ଖବର ପାଇବା ପରେ କ’ଣ କହନ୍ତି ଏମାନେ
ଭବାନୀ ମାଝି(ପ୍ରଯୋଜକ-ଚିନି): ଆମେ ବହୁତ ଖୁସି ଯେ ସୁନ୍ଦରଗଡ଼ ଭଳି ଏକ ପଶ୍ଚିମ ଓଡ଼ିଶାର ସହରରୁ ନିର୍ମିତ ଏବଂ ପଶ୍ଚିମ ଓଡ଼ିଶାର କାହାଣୀକୁ ନେଇ ପ୍ରସ୍ତୁତ ସିନେମା ‘ଚିନି’କୁ ନେଇ ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର ଭାବେ ପୁରସ୍କାର ଦିଆଯାଉଛି।
Sambad is now on WhatsApp
Join and get latest news updates delivered to you via WhatsApp
ସମରେଶ(ଶ୍ରେଷ୍ଠ ଅଭିନେତା): ମୁଁ ଖୁବ୍ ଖୁସି ଯେ ପ୍ରାୟ ୧୦ ବର୍ଷ ପରେ ମୋତେ ଶ୍ରେଷ୍ଠ ଅଭିନେତା ଶ୍ରେଣୀରେ ରାଜ୍ୟ ପୁରସ୍କାର ମିଳିଛି। ଫିଲ୍ମଟି ରିଲିଜ୍ ହୋଇ ଦର୍ଶକ ଦେଖିଥିଲେ ମୁଁ ବେଶି ଖୁସି ହୋଇଥାଆନ୍ତି।
ଲିପି (ଶ୍ରେଷ୍ଠ ଅଭିନେତ୍ରୀ): ବିଳମ୍ବରେ ହେଉ ପଛେ ମୋତେ ମୋର କଠିନ ପରିଶ୍ରମର ଫଳ ମିଳିଥିବାରୁ ମୁଁ ଖୁସି।ଆଗରୁ ‘ତୁ ମୋ’ରି ପାଇଁ’ ଏବଂ ‘ବ୍ୟାଡ଼ଗାର୍ଲ’ ପାଇଁ ମୋତେ ଲାଗୁଥିଲା ଶ୍ରେଷ୍ଠ ଅଭିନେତ୍ରୀର ପୁରସ୍କାର ମିଳିବ,ହେଲେ ପ୍ରଯୋଜକ ସେଗୁଡ଼ିକୁ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଁ ପଠାଇ ନ ଥିଲେ। ସୌମ୍ୟରଞ୍ଜନ ପଟ୍ଟନାୟକ ସାର୍ ଏହି ଫିଲ୍ମର ପ୍ରଯୋଜନା କରିବାକୁ ଆଗେଇ ଆସି ନ ଥିଲେ,‘ମୀମାଂସା’ ନିର୍ମିତ ହୋଇନଥା’ନ୍ତା। ଏ ଦୃଷ୍ଟିରୁ ମୋ’ର ସଫଳତା ପଛରେ ତାଙ୍କର ଅବଦାନ ଅଧିକ। ଚକ୍ରଧର ସାହୁଙ୍କ ନିର୍ଦ୍ଦେଶିତ ‘ମୀମାଂସା’ର ପୂରା ଟିମ୍ ଖୁବ୍ ପରିଶ୍ରମ କରିଥିଲୁ।