ମୁମ୍ବାଇ: ୫୦ଶ୍ରେଷ୍ଠ ଅଭିନେତାଙ୍କ ତାଲିକାରେ ସ୍ଥାନ ପାଇଲେ ବଲିଉଡର ବାଦଶାହ ଶାହରୁଖ ଖାନ। ଏମ୍ପାୟାର୍ ମାଗାଜିନ୍ ଦ୍ୱାରା ପ୍ରସ୍ତୁତ କରାଯାଇଥିବା ଏହି ତାଲିକାରେ ମାର୍ଲନ୍ ବ୍ରାଣ୍ଡୋ, ଟମ୍ ହ୍ୟାଙ୍କସ୍ ଏବଂ କେଟ୍ ୱିନସଲେଟ୍ ଭଳି କେତେକ ବଡ଼ କଳାକାରଙ୍କ ନାଁ ରହିଥିବା ବେଳେ ଭାରତରୁ କେବଳ ଶାହରୁଖ ଏହି ତାଲିକାରେ ସ୍ଥାନ ପାଇଛନ୍ତି।

Advertisment

ଏହି ତାଲିକାରେ ଶାହରୁଖଙ୍କ ନାଁ ସହ ତାଙ୍କ କ୍ୟାରିୟରର କିଛି ଉଲ୍ଲେଖନୀୟ ଭୂମିକା ବିଷୟରେ ଦର୍ଶାଯାଇଛି। ଏଥିରେ କରଣ ଜୋହରଙ୍କ ନିର୍ଦ୍ଦେଶିତ ଫିଲ୍ମ 'କୁଛ କୁଛ ହୋତା ହେ'ରେ ରାହୁଲ ଖାନ୍ନା ଚରିତ୍ର, ସଞ୍ଜୟ ଲୀଲା ଭଂସାଲୀଙ୍କ 'ଦେବଦାସ'ରେ ଦେବଦାସ ମୁଖାର୍ଜୀ, ଆଶୁତୋଷ ଗୋୱାରିକରଙ୍କ 'ସ୍ବଦେଶ'ରେ ମୋହନ ଭରଗବା ଏବଂ କରଣ ଜୋହରଙ୍କ ଫିଲ୍ମ 'ମାଇଁ ନେମ ଇଜ୍ ଖାନ'ରେ ରିଜୱାନ ଖାନ ଭୂମିକା ବିଷୟରେ ଦର୍ଶାଯାଇଛି।

ନିଜର ଆଗାମୀ ଫିଲ୍ମ 'ପଠାନ'ଙ୍କୁ ନେଇ ବିବାଦରେ ଥିବା ଶାହରୁଖ ଖାନଙ୍କ ପାଇଁ ଏହା ଖୁସିର ବିଷୟ ନିଶ୍ଚୟ। ଏହି ଖବର କେବଳ ଶାହରୁଖଙ୍କୁ ନୁହେଁ ବରଂ ତାଙ୍କ ପ୍ରଶଂସକଙ୍କୁ ମଧ୍ୟ ଖୁସି କରାଇଛି।