ରିଲିଜ୍ ହେଉ ହେଉ ଦର୍ଶକଙ୍କ ମନ କିଣିଲା 'ମିଶନ ମଜନୁ' ଟ୍ରେଲର, ଓଟିଟି ନୁହେଁ ହଲରେ ରିଲିଜ ପାଇଁ ହେଲା ଦାବି

ମୁମ୍ବାଇ: ବଲିଉଡ ଅଭିନେତା ସିଦ୍ଧାର୍ଥ ମଲହୋତ୍ରା ଏବଂ ଅଭିନେତ୍ରୀ ରଶ୍ମିକା ମନ୍ଦନାଙ୍କ ଅଭିନୀତ ଫିଲ୍ମ 'ମିଶନ ମଜନୁ'ର ଟ୍ରେଲର ସୋମବାର ରିଲିଜ୍ କରାଯାଇଛି। ରିଲିଜ୍ ହେଉ ହେଉ ଦର୍ଶକଙ୍କ ମନ କିଣିଛି 'ମିଶନ ମଜନୁ'। ଟ୍ରେଲର ରିଲିଜ୍ ପରେ ଫିଲ୍ମର କାହାଣୀ ଆଲିଆ ଭଟ୍ଟଙ୍କ ଫିଲ୍ମ 'ରାଜି'ର କାହାଣୀ ସହ ପ୍ରାୟତଃ ସମାନ ଭଳି ଲାଗୁଛି ବୋଲି ‌ଲୋକେ କହିବା ଆରମ୍ଭ କରିଛନ୍ତି। ଏହା ସହ ଏହି ଫିଲ୍ମକୁ ନେଟଫ୍ଲିକ୍ସ ବଦଳରେ ହଲରେ ରିଲିଜ କରିବାର ଥିଲା ବୋଲି ଦର୍ଶକ କହିବା ଆରମ୍ଭ କରିଛନ୍ତି।

ସୂଚନା ମୁତାବକ, ଏହି ଫିଲ୍ମ ନେଟଫ୍ଲିକ୍ସରେ ଜାନୁଆରି ୨୦, ୨୦୨୩ରେ ରିଲିଜ୍ ହେବ। ଏଥିରେ ସିଦ୍ଧାର୍ଥ ମଲହୋତ୍ରା ଏବଂ ରଶ୍ମିକା ମନ୍ଦନା ମୁଖ୍ୟ ଭୂମିକାରେ ନଜର ଆସିବେ। ସିଦ୍ଧାର୍ଥ ଭାରତୀୟ ଗୁପ୍ତଚର ଭୂମିକାରେ ନଜର ଆସିବେ, ଯିଏ ନିଜ ମିଶନକୁ ଆଗକୁ ବଢ଼ାଇବା ପାଇଁ ପାକିସ୍ତାନକୁ ‌ଯାଇ ରଶ୍ମିକାଙ୍କ ସହ ବିବାହ କରିବେ। ପାକିସ୍ତାନରେ ରହି ସମସ୍ତଙ୍କ ବିଶ୍ବାସ ଜିତିବା ପରେ ସିଦ୍ଧାର୍ଥ କିଭଳି ନିଜ ମିଶନକୁ ଆଗକୁ ନେଉଛନ୍ତି, ତାହା ଏହି ଫିଲ୍ମରେ ଦେଖିବାକୁ ମିଳିବ।

ଏହି ଫିଲ୍ମରେ ସିଦ୍ଧାର୍ଥଙ୍କ ଚରିତ୍ରର ନାଁ ରହିଛି ଅମନଦୀପ ଅଜିତ ପାଲ ସିଂହ।