ଶାହରୁଖ୍ ଖାନଙ୍କ ଝିଅ ସୁହାନାଙ୍କ ସଂପର୍କରେ ଏଇ ଖବରଟି ଜାଣନ୍ତୁ
ମୁମ୍ବାଇ: ବଲିଉଡ ସୁପରଷ୍ଟାର୍ ଶାହରୁଖ୍ ଖାନଙ୍କ ଝିଅ ସୁହାନା ୨୦୧୮ରେ ବଲିଉଡରେ ଡେବୁ କରିବାକୁ ଯାଉଥିବା ଖବର ଏକଦମ୍ ପକ୍କକା। କାରଣ ସୁହାନା ଗତ କିଛି ମାସ ହେବ ଅଧିକାଂଶ ପାର୍ଟିରେ ଯୋଗ ଦେଉଛନ୍ତି। ଖାଲି ସେତକି ନୁହେଁ ,ସେ ଫିଲ୍ମ ପ୍ରମିଅରକୁ ବି ମିସ୍ କରୁ ନାହାନ୍ତି। ସେ ନିଜର ଇନଷ୍ଟାଗ୍ରାମରେ ଅନେକ ସମୟରେ ନିଜ ବୋଲଡ ଫଟୋ ବି ସେଆର୍ କରି ଚର୍ଚ୍ଚାରେ ରହିବାକୁ ଚାହୁଁଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଜଣେ ଜନ୍ମଜାତ କଳାକାର। ସେ ଥିଏଟର ସହିତ ଜଡିତ। ତାଙ୍କର ଅଭିନୟ ଦେଖି ବରିଷ୍ଠ ଅଭିନେତ୍ରୀ ଶବାନା ଆଜମୀ ସୁହାନାଙ୍କର ପ୍ରଶଂସା କରିଥିଲେ। ସେ ଯାହା ହେଉନା କାହିଁକି ପିତା ଶାହରୁଖ୍ ଖାନଙ୍କ ଅପେକ୍ଷା ଏବେ ବଲିଉଡର ଆକର୍ଷଣର କେନ୍ଦ୍ରବିନ୍ଦୁ ହେଉଛନ୍ତି ସୁହାନା। ଏବେ ସେ କେଉଁ ସିନେମାରେ ପ୍ରଥମେ ଅଭିନୟ କରୁଛନ୍ତି ତାହା ଦେଖିବାକୁ ବାକି ରହିଲା। ଏଥିପାଇଁ କାହାଣୀ ଖୋଜିବାର ଦାୟିତ୍ୱ ଦିଆଯାଇଛି ନିର୍ମାତା-ନିର୍ଦ୍ଦେଶକ କରଣ ଜୋହରଙ୍କୁ। ଶୁଣିବାକୁ ମିଳୁଛି ଯେ ଇତିମଧ୍ୟରେ କାହାଣୀ ଖୋଜା ସରିଛି । କିଏ ଏହାର ନିର୍ଦ୍ଦେଶନା ଦେବେ ତାହା ଦେଖିବାକୁ ବାକି ରହିଲା। ଆଉ ଏହି ସିନେମାରେ କିଏ ସୁହାନାଙ୍କର ନାୟକ ହେବେ ତାହା ଜାଣିବାକୁ ଅପେକ୍ଷା ଅଛି।
ଏଠାରେ ସୂଚନାଯୋଗ୍ୟ ଯେ ବଲିଉଡ ସୁପରଷ୍ଟାର୍ ଶାହରୁଖ୍ ଖାନ ଏବଂ ତାଙ୍କ ଝିଅ ସୁହାନା ମୁମ୍ବାଇର ଅନ୍ଧେରୀ ଅଞ୍ଚଳରେ ଥିବା ଏକ ମଲ୍ଟିପ୍ଲେକସରେ ଆୟୋଜିତ ଫିଲ୍ମ‘ଟ୍ୟୁବଲାଇଟ୍’ର ସ୍ୱତନ୍ତ୍ର ସ୍କ୍ରିନିଂରେ ଯୋଗ ଦେଇ ଖୁବ୍ ଚର୍ଚ୍ଚିତା ହୋଇଥିଲେ । ଏହି ସିନେମା ଦେଖିବାଲାଗି ଶାହରୁଖ୍ ଖାନ କାଜୁଆଲ୍ ଡ୍ରେସ୍ ପିନ୍ଧିଥିବା ବେଳେ ଝିଅ ସୁହାନା ଏକ ଆକର୍ଷଣୀୟ ଟପ୍ ଏବଂ ଜିନସ୍ ପିନ୍ଧିଥଲେ।