ପୁଣି ବିବାଦୀୟ ବୟାନ ଦେଲେ ସୁନୈନା: ହଁ, ରାକେଶ ରୋଶନ ମୋତେ ଚାପୁଡ଼ା ମାରିଥିଲେ, ମୋ ଜୀବନ ନର୍କ ହୋଇଗଲାଣି…
ମୁମ୍ବାଇ : କିଛି ଦିନ ହେଲାଣି ରୋଶନ ପରିବାର ବିବାଦରେ ରହିଛି । ବଲିଉଡ୍ ଅଭିନେତା ରିତିକ୍ ରୋଶନଙ୍କ ଭଉଣୀ ସୁନୈନାଙ୍କ ଉପରେ ତାଙ୍କ ନିଜ ଘରେ ଅତ୍ୟାଚାର କରାଯାଉଥିବାର ଅଭିଯୋଗ ଅଭିନେତ୍ରୀ କଙ୍ଗନାଙ୍କ ଭଉଣୀ ରଙ୍ଗାଲି ଆଣିବା ପରେ ସମସ୍ତଙ୍କ ନଜର ରୋଶନ ପରିବାର ଉପରେ ରହିଛି । ହଠାତ ଏଭଳି ଅବିଶ୍ୱସନୀୟ ଘଟଣା ସାମ୍ନାକୁ ଆସୁଥିବାରୁ ଲୋକେ ଏହାକୁ ସହଜରେ ଗ୍ରହଣ କରି ପାରୁ ନାହାନ୍ତି । ଗୁରୁବାର ରିତିକ୍ଙ୍କ ପୂର୍ବ ପତ୍ନୀ ସୁଜାନେ ଇନ୍ଷ୍ଟାରେ ରୋଶନ ପରିବାରର ଅବସ୍ଥା ଭଲ ନଥିବା କହିଥିଲେ । ଏହା ସହ ଯେଉଁ ଅପଚର୍ଚ୍ଚା ହେଉଛି ତାହାକୁ ମିଛ ବୋଲି କହିଥିଲେ । କିନ୍ତୁ ପୁଣି ରିତିକ୍ଙ୍କ ଭଉଣୀ ସୁନୈନା ବିବାଦୀୟ ବୟାନ ଦେଇ ସମସ୍ତଙ୍କୁ ଚମକାଇ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନିଜ ବୟାନରେ ରଙ୍ଗୋଲି କରିଥିବା ଟୁଇଟ୍କୁ ସତ ବୋଲି କହି ଗତ ବର୍ଷ ମୋ ବାପା ମୋତେ ଚାପୁଡ଼ା ମାରିଥିଲେ ବୋଲି କହିଛନ୍ତି ସୁନୈନା । ତାଙ୍କ ଅନୁଯାୟୀ, ଗତବର୍ଷ ମୁଁ ଫେସ୍ବୁକ୍ରେ ଜଣେ ମୁସ୍ଲିମ୍ ଯୁବକଙ୍କ ସଂପର୍କରେ ଆସିବା ପରେ ତାଙ୍କୁ ଭଲ ପାଇ ବସିଥିଲି । ତାଙ୍କ ସହ ରହିବାକୁ ଚାହୁଁଥିଲେ ମଧ୍ୟ ମୋ ବାପା ମୋ ପ୍ରେମିକକୁ ଆତଙ୍କବାଦୀ ବୋଲି କହି ମୋତେ ତାଙ୍କ ସହ ରହିବାକୁ ଦେଇ ନଥିଲେ । ମୋତେ ମାଡ଼ ମାରି ଘରେ ରହିବାକୁ ବାଧ୍ୟ କରିଥିଲେ । ମୋ ଭାଇ ଏବେ ମଧ୍ୟ ମୋତେ ଘର ଭିତରେ ବନ୍ଦ କରି ରଖୁଛନ୍ତି । ବର୍ଷକ ମଧ୍ୟରେ ମୋ ଜୀବନ ନର୍କ ହୋଇ ଗଲାଣି ବୋଲି କହିଛନ୍ତି ସୁନୈନା । ଏହା ସହ କଙ୍ଗନାଙ୍କୁ ସାହାଯ୍ୟ ମାଗିବା କଥାକୁ ମଧ୍ୟ ସୁନୈନା ସ୍ୱୀକାର କରିଛନ୍ତି ।