ଲାଇଭ୍ ସୋ’ ଚାଲିଥିବା ବେଳେ ପରସ୍ପରକୁ ମାଡ଼ ମାରିଲେ ସୁନୀଲ ଗ୍ରୋଭର ଏବଂ ଶିଳ୍ପା ସିନ୍ଦେ
ମୁମ୍ବାଇ : କିଛି ଦିନ ହେବ ହାସ୍ୟ ଅଭିନେତା ସୁନୀଲ ଗ୍ରୋଭର ଏବଂ ବିଗ୍ ବସ୍ ସିଜିନ୍-୧୧ର ବିଜେତା ଶିଳ୍ପା ସିନ୍ଦେଙ୍କ ଏକ ଭିଡ଼ିଓ ସୋସିଆଲ ମିଡ଼ିଆରେ ଏବେ ଖୁବ୍ ଭାଇରାଲ ହେବାରେ ଲାଗିଛି । ଏହି ଭିଡ଼ିଓରେ ନଜର ଆସୁଥିବା ଦୃଶ୍ୟକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ଏହି ଭିଡ଼ିଓରେ ସୁନୀଲ ଗ୍ରୋଭର ଏବଂ ଶିଳ୍ପା ସିନ୍ଦେ ପରସ୍ପରକୁ ମାଡ଼ ମାରୁଥିବାର ଦେଖିବାକୁ ମିଳିଛି । ଏହି କଥାଟି ଶୁଣିବା ପରେ ଆପଣମାନେ ଆଶ୍ଚର୍ଯ୍ୟ ହେଉଥିବେ ନିଶ୍ଚୟ ।
Sambad is now on WhatsApp
Join and get latest news updates delivered to you via WhatsApp
ଦୁଇ ଜଣ ଏତେ ଭଲ ବନ୍ଧୁ ହୋଇ ମଧ୍ୟ କ’ଣ ପାଇଁ ପରସ୍ପରକୁ ମାଡ଼ ମାରୁଛନ୍ତି ସେ ନେଇ ଆପଣଙ୍କ ମନରେ ପ୍ରଶ୍ନ ନିଶ୍ଚୟ ଉଠୁଥିବ । ତେବେ ଏ ଦୁଇ ଜଣ ସତରେ ନୁହେଁ ବରଂ ନିଜର କମେଡ଼ି ସୋ’ ଜିଓ ଧନ୍ ଧନା ଧନ୍ ପାଇଁ ଏପରି କରିଥିବା ଜଣାପଡ଼ିଛି । ଏହି ନୂଆ ସୋ’ରେ ଦୁଇ ଜଣ ସ୍ୱାମୀ-ସ୍ତ୍ରୀ ହୋଇଥିବାରୁ ସ୍ୱାମୀ-ସ୍ତ୍ରୀଙ୍କ ଭଳି ଝଗଡ଼ା କରୁଥିବାର ଦେଖିବାକୁ ମିଳିଛି । ସୁନୀଲଙ୍କ ଏହି ନୂଆ ସୋ’କୁ ସମସ୍ତେ ପସନ୍ଦ କରୁଥିବା ବେଳେ ତାଙ୍କୁ ଗୋଟେ ପରେ ଗୋଟେ ଫିଲ୍ମର ଅଫର ମିଳୁଥିବା ଜଣାପଡ଼ିଛି ।