ଝିଅ ବାହାଘରରେ ଠୁମ୍‌କା ଲଗାଉଥିବା ସୁନୀଲ ସେଟ୍ଟୀଙ୍କ ଫଟୋ ଭାଇରାଲ୍‌

ମୁମ୍ବାଇ: ବଲିଉଡ୍‌ ଷ୍ଟାର୍‌ ତଥା ସୁନୀଲ ସେଟ୍ଟୀଙ୍କ ଝିଅ ଆଥିଆ ସେଟ୍ଟୀ ଓ କ୍ରିକେଟର୍‌ କେ.ଏଲ୍ ରାହୁଲଙ୍କ ବିବାହ ହେବା ପ‌ରେ ସୋସିଆଲ୍‌ ମିଡିଆରେ ଏହି ଯୋଡ଼ିଙ୍କର ଅନେକ ଫଟୋ ଓ ଭିଡିଓ ଭାଇରାଲ୍‌ ହୋଇଚାଲିଛି। ନିକଟ‌ରେ ଭାଇରାଲ୍‌ ହୋଇଥିବା କିଛି ଫଟୋ ହୁଏତ ଆପଣ ଦେଖିନଥିବେ ଯେଉଁଥିରେ ସୁନୀଲ ସେଟ୍ଟୀ ଠୁମ୍‌କା ଲଗାଇଛନ୍ତି।

ଜାନୁଆରି ୨୩ ତାରିଖରେ ସୁନୀଲ ତନୟା ଆଥିଆ ଓ କ୍ରିକେଟର୍‌ ରାହୁଲ ସେମାନଙ୍କ ସଂପର୍କକୁ ଏକ ନୂଆ ନାମ ଦେବା ଅବସରରେ ବେଶ୍‌ ଖୁସି ରହିଛନ୍ତି ଉଭୟଙ୍କ ପରିବାର ବର୍ଗ। ବିବାହ ପରେ ପରେ ଆଥିଆ ପ୍ରଶଂସକଙ୍କ ସହ ଅନେକ ଫଟୋ ସେୟାର କରି ଚାଲିଛନ୍ତି। ସେଥିମଧ୍ୟରୁ ଝିଅ ବାହାଘରରେ ସୁନୀଲ ସେଟ୍ଟୀ ନାଚୁଥବାର ଫଟୋ ବି ଦେଖିବାକୁ ମିଳିିଛି। ଫଟୋଗୁଡ଼ିକୁ ଦେଖିବା ପରେ ସ୍ପଷ୍ଟ ଜଣାପଡୁଛି ଯେ ଝିଅ ବାହାଘରରେ କେତେ ଖୁସି ଅଛନ୍ତି ସୁନୀଲ।

ଦୀର୍ଘ ବର୍ଷ ପ୍ରେମ ସଂପର୍କରେ ରହିବା ପରେ ଶେଷରେ ସୁନୀଲଙ୍କ ଖଣ୍ଡାଲାସ୍ଥିତ ଫାର୍ମହାଉସ୍‌ରେ ଝିଅ ଆଥିଆଙ୍କର କ୍ରିକେଟର୍‌ କେ.ଏଲ୍ ରାହୁଲଙ୍କ ସହ ବିବାହ ହୋଇଥିଲା। ଏହି ବିବାହରେ ବଲିଉଡର ଅନେକ କଳାକାର ଓ ଅନେକ କ୍ରିକେଟ ତାରକା ନଜର ଆସିଥିଲେ। ତେବେ ଭାରତୀୟ କ୍ରିକେଟ୍ ଦଳର ଖେଳାଳି କେ.ଏଲ୍ ରାହୁଲ ଏବଂ ବଲିଉଡ ଅଭିନେତ୍ରୀ ଆଥିଆ ଶେଟ୍ଟୀଙ୍କୁ ବିବାହ ଅବସରରେ ବହୁତ ମହଙ୍ଗା ଉପହାର ମିଳିଛି।

ଆଥିଆ ନିଜର ହଳଦୀ ଉତ୍ସବ‌ରେ ପରିବାର ଲୋକଙ୍କ ସହ ମଜାମସ୍ତି କରୁଥିବାର ନଜର ଆସିଥି‌ଲେ। ଆଥିଆ ସେୟାର କରିଥିବା ଫଟୋରେ ତାଙ୍କ ଘରର ବାହାର ପୂରା ଦୃଶ୍ୟମାନ ହୋଇଥିଲା।