୩୭ଦିନରୁ ୨୮ ଦିନ ଅନୁପସ୍ଥିତ, ମୋଦୀଙ୍କ ତାଗିଦ୍ ପରେ ମଧ୍ୟ ସଂସଦରେ ଉପସ୍ଥିତ ରହୁ ନାହାନ୍ତି ସନ୍ନି ଦେଓଲ
ନୂଆଦିଲ୍ଲୀ : କିଛି ଦିନ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଜେପି ସଂସଦୀୟ ଦଳ ବୈଠକରେ ସଂସଦରେ ସାଂସଦମାନଙ୍କ ଅନୁପସ୍ଥିତିକୁ ନେଇ ଆଲୋଚନା କରିଥିଲେ । ଆଗାମୀ ଦିନରେ ସଂସଦରେ ଅନୁପସ୍ଥିତ ରହିବାର କୌଣସି ବାହାନା ଶୁଣାଯିବ ନାହିଁ ବୋଲି କହିଥିଲେ ମୋଦୀ । କିନ୍ତୁ ମୋଦୀଙ୍କ ତାଗିଦ୍ ପରେ ମଧ୍ୟ ବଲିଉଡ୍ ଅଭିନେତା ତଥା ଗୁରୁଦାସପୁରରୁ ବିଜେପି ସାଂସଦ ଥିବା ସନ୍ନି ଦେଓଲ ସଂସଦରେ ଅନପସ୍ଥିତ ରହିଥିବା ଦେଖା ଯାଇଛି । ୩୭ଦିନ ମଧ୍ୟରୁ ସେ ୨୮ଦିନ ସଂସଦରେ ଅନୁପସ୍ଥିତ ରହିଥିବା ଜଣା ପଡ଼ିଛି । ଏ ପର୍ଯ୍ୟନ୍ତ ସେ ସର୍ବମୋଟ ୯ଟି ବୈଠକରେ ଭାଗ ନେଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସାଂସଦ ଭାବେ ନିର୍ବାଚିତ ହେବା ପରଠାରୁ କୌଣସି ନା କୌଣସି କାରଣ ପାଇଁ ସନ୍ନି ଦେଓଲ ବିବାଦରେ ରହି ଆସିଛନ୍ତି । ପ୍ରଥମେ କୌଣସି କାମ ନ କରି ବୁଲୁଥିବାର ଅଭିଯୋଗ ଲୋକେ ଆଣିଥିବା ବେଳେ ପରେ ସଂସଦରେ ଅନୁପସ୍ଥିତ ରହିବା କାରଣରୁ ତାଙ୍କୁ ଅନେକ ଥର ଟ୍ରୋଲ କରାଯାଇ ସାରିଛି ।