ସନ୍ନିଙ୍କୁ ତାଙ୍କ ପ୍ରଶଂସକଙ୍କ ଠାରୁ ବଞ୍ଚାଇବା ପାଇଁ ବଳପୂର୍ବକ ବନ୍ଦ କରି ଦିଆଗଲା ସୋ’ରୁମ୍ର ସଟର, ତା’ ପରେ ଘଟିଥିବା ଘଟଣା କେବେ ବି ଭୁଲି ପାରିବେନି ସନ୍ନି
ମୁମ୍ବାଇ: ମୁମ୍ବାଇର ଏକ ସୋ’ରୁମ୍ର ଶୁଭାରମ୍ଭ କରିବାକୁ ପହଞ୍ଚିଥିଲେ ବଲିଉଡ୍ ଅଭିନେତ୍ରୀ ସନ୍ନି ଲିଓନି । କିନ୍ତୁ ସେଠାକୁ ଯିବା ପରେ ତାଙ୍କ ସହ ଯେଉଁ ଘଟଣା ଘଟିଲା ତା’ହା ବୋଧହୁଏ ସେ କେବେ ଭୁଲି ପାରିବେନି । ସୋ’ରୁମ୍ର ଶୁଭାରମ୍ଭ କରିବା ପାଇଁ ସନ୍ନି ଆସୁଥିବା ଜାଣି ତାଙ୍କ ପ୍ରଶଂସକମାନେ ବାହାରେ ଭିଡ଼ ଜମାଇଥିଲେ । ତାଙ୍କ ସହ ସେଲ୍ଫି ନେବା ପାଇଁ ପ୍ରଶଂସକମାନଙ୍କ ଭିଡ଼ ନିୟନ୍ତ୍ରଣ ବାହାରେ ହୋଇ ଯାଇଥିଲା । ଏଭଳି ପରିସ୍ଥିତିରେ ସନ୍ନିଙ୍କ ସୋ’ରୁମ୍ର ବାହାରକୁ ବାହାରିବା ଅସମ୍ଭବ ହୋଇ ପଡ଼ିଥିଲା । ବାହାରେ ଲାଗିଥିବା ଭିଡ଼କୁ କମ କରିବା ପାଇଁ ସୋ’ରୁମ୍ର ମାଲିକ ତରବରିଆ ଭାବରେ ସୋ’ରୁମ୍ର ସଟର ବନ୍ଦ କରି ଦେଇଥିଲେ । ଯେତେବେଳେ ଭିଡ଼ କମିଥିଲା ସେତେବେଳେ ସଟରକୁ ଖୋଲିବାକୁ ଚେଷ୍ଟା କରାଯାଇଥିଲେ ମଧ୍ୟ ତାହା ଖୋଲି ନଥିଲା ।
Sambad is now on WhatsApp
Join and get latest news updates delivered to you via WhatsApp
ସଟରଟି ଆପେ ଆପେ ଖୋଲିବା ସହ ବନ୍ଦ ହେଉଥିବା ବେଳେ ଏହାକୁ ବଳପୂର୍ବକ ବନ୍ଦ କରି ଦିଆଯାଇଥିବାରୁ ତାହା ଲକ୍ ହୋଇଯାଇଥିଲା । ଯାହା ଫଳରେ ସଟର ଆଉ ଖୋଲି ନଥିଲା । ସୋ’ରୁମ୍ର ମାଲିକଙ୍କ ଏହି ଭୁଲ ପାଇଁ ସନ୍ନିଙ୍କୁ ଏକ ଘଣ୍ଟାରୁ ଅଧିକ ସମୟରେ ସୋ’ରୁମ୍ ଭିତରେ ରହିବାକୁ ପଡ଼ିଥିଲା । ତାଙ୍କ ସହ ତାଙ୍କ ସ୍ୱାମୀ ଡ଼ାନିଏଲ ମଧ୍ୟ ଥିଲେ । ପରେ ପୂରା ସୋ’ରୁମ୍ର ଲାଇଟ୍ ବନ୍ଦ କରାଯାଇ ସଟରକୁ ରିସେଟ୍ କରାଯାଇଥିଲା । ଯାହାକୁ ଠିକ୍ କରିବାରେ ଏକ ଘଣ୍ଟାରୁ ଅଧିକ ସମୟ ଲାଗିଥିଲା । ଏକ ଘଣ୍ଟା ତାଙ୍କ ସ୍ୱାମୀ ଏବଂ ସନ୍ନି ଅନ୍ଧାରରେ ସୋ’ରୁମ୍ ଭିତରେ ଫସି ରହିଥିଲେ । ଏହି ଘଟଣା ବୋଧହୁଏ ସେ କେବେ ଭୁଲି ପାରିବେ ନାହିଁ।