ନୂଆଦିଲ୍ଲୀ: ସାଉଥ୍ ଇଣ୍ଡଷ୍ଟ୍ରିରେ ଏମିତି ଅନେକ କଳାକାର ଅଛନ୍ତି ଯେଉଁମାନେ ସମଗ୍ର ବିଶ୍ୱରେ ନିଜର ଅଭିନୟ ଓ ଚଳଚ୍ଚିତ୍ର ପାଇଁ ଚର୍ଚ୍ଚାରେ ଅଛନ୍ତି। ଏହି କଳାକାରଙ୍କ ମଧ୍ୟରୁ ଜଣେ ହେଉଛନ୍ତି ତଲପତି ବିଜୟ। ସାଉଥ ଇଣ୍ଡଷ୍ଟ୍ରିର ସୁପରଷ୍ଟାର ତଲପତି ବିଜୟ ମାତ୍ର ୫୦୦ଟଙ୍କାରେ ନିଜର କ୍ୟାରିୟର ଆରମ୍ଭ କରିଥିଲେ।

Advertisment

ମାତ୍ର ୧୦ବର୍ଷ ବୟସରେ ତଲପତି ବିଜୟ ୫୦୦ଟଙ୍କାରେ ନିଜର ଅଭିନୟ ଜୀବନ ଆରମ୍ଭ କରିଥିବା ବେଳେ ଆଜି ସେ ଗୋଟିଏ ସିନେମା ପାଇଁ ୧୦୦ରୁ ୧୨୫ କୋଟି ଟଙ୍କାର ପାରିଶ୍ରମିକ ନେଉଛନ୍ତି।

ଏହି ସାଉଥ ସୁପରଷ୍ଟାରଙ୍କ ପିଲାଦିନର କିଛି ଫଟୋ ଇନଷ୍ଟାଗ୍ରାମରେ ଆକ୍ଟର ବିଜୟ ଅଫ ନାମକ ଏକ ପୃଷ୍ଠାରେ ସେୟାର କରାଯାଇଛି । ଗୋଟିଏ ଫଟୋରେ ଅଭିନେତାଙ୍କୁ ନାଲି ଟି-ସାର୍ଟ ଓ କଳା ରଙ୍ଗର ପ୍ୟାଣ୍ଟରେ ସମୁଦ୍ର କୂଳ‌ରେ ଦେଖିବାକୁ ମିଳିଥିଲା।

୧୯୭୪ ଜୁନ ୨୪ରେ ଜନ୍ମ ହୋଇଥିବା ତଲପତି ବିଜୟ ୧୯୮୪ରେ ମାତ୍ର ୧୦ବର୍ଷ ବୟସରେ ତାମିଲ ସିନେମା ‘ବେତ୍ରି’ରେ ନିଜର କ୍ୟାରିଅର୍ ଆରମ୍ଭ କରିଥିଲେ।  ଯେଉଁଥିପାଇଁ ତାଙ୍କୁ ମାତ୍ର ୫୦୦ଟଙ୍କା ଫି ପ୍ରଦାନ କରାଯାଇଥିଲା। ତଲପତି ମାତ୍ର ୧୮ ବର୍ଷ ବୟସରେ ଜଣେ ମୁଖ୍ୟ ଅଭିନେତା ଭାବରେ ଫିଲ୍ମ ଇଣ୍ଡଷ୍ଟ୍ରିରେ କାମ କରିବା ଆରମ୍ଭ କରି ଦେଇଥିଲେ । ଏଯାବତ ତାଙ୍କ ଚଳଚ୍ଚିତ୍ର କ୍ୟାରିୟରରେ ସେ ୬୫ରୁ ଅଧିକ ଚଳଚ୍ଚିତ୍ର କରି ସାରିଛନ୍ତି ।