ଯଦି ସକାଳୁ ପ୍ରଧାନମନ୍ତ୍ରୀ ମୋଦୀ, ବିରାଟ ଓ କଙ୍ଗନା ରାଣାଓ୍ଵତ୍ ହୋଇ ଉଠନ୍ତି, ତେବେ କ’ଣ କରିବେ? ପ୍ରଶ୍ନର ଏଭଳି ମଜାଦାର ଉତ୍ତର ଦେଲେ ସୁଶାନ୍ତ
ମୁମ୍ବାଇ : ଦିଲ୍ଲୀର ଜବାହାରଲାଲ୍ ନେହେରୁ ଷ୍ଟାଡିୟମରେ ଆୟୋଜିତ ଇଣ୍ଡିଆ ଟୁଡେର ମାଇଣ୍ଡ ରକ୍ସ ୨୦୧୯ କାର୍ଯ୍ୟକ୍ରମରେ ଅନେକ ଜଣାଶୁଣା ବ୍ୟକ୍ତିତ୍ବ ଯୋଗ ଦେଇଥିଲେ । ଏହି କାର୍ଯ୍ୟକ୍ରମର ‘ହ୍ଵାଟ୍ ବଲିଉଡ୍ ଟଟ୍ ମି’ ଅଧିବେଶନରେ ଅଭିନେତା ସୁଶାନ୍ତ ସିଂହ ରାଜପୁତ୍ ସାମିଲ ହୋଇଥିଲେ । ଏହି କାର୍ଯ୍ୟକ୍ରମରେ ଯୋଗ ଦେଇ ସେ ନିଜ ଜୀବନର ଅନେକ ବଡ଼ ବଡ଼ ରାଜ୍ ଖୋଲିଥିଲେ । କାର୍ଯ୍ୟକ୍ରମର ରାପିଡ୍ ଫାୟାର ରାଉଣ୍ଡରେ ତାଙ୍କୁ ଅନେଜ ମଜାଦାର ପ୍ରଶ୍ନ କରାଯାଇଥିବା ବେଳେ ତାହାର ମଜାଦାର ଉତ୍ତର ଦେଇଥିଲେ ସୁଶାନ୍ତ ।
Sambad is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମରେ ସୁଶାନ୍ତଙ୍କୁ ପ୍ରଶ୍ନ କରାଯାଇଥିଲା କି, ଯଦି ସେ ଦିନେ ସକାଳୁ ପ୍ରଧାନମନ୍ତ୍ରୀ ମୋଦୀ, ଭାରତୀୟ କ୍ରିକେଟ ଟିମ୍ର ଅଧିନାୟକ ବିରାଟ କୋହଲୀ ଓ ଅଭିନେତ୍ରୀ କଙ୍ଗନା ରାଣାଓ୍ଵତ୍ ହୋଇ ଉଠନ୍ତି, ତେବେ ସେ କ’ଣ କରିବେ? ଏହାର ଉତ୍ତର ରଖି ଯଦି ମୁଁ ପ୍ରଧାନମନ୍ତ୍ରୀ ମୋଦୀ ହୋଇ ଉଠେ ତେବେ ଭାରତକୁ ଭଲ ଦିଗରେ ବଦଳାଇବି । ଯଦି ମୁଁ କ୍ରିକେଟ ଟିମ୍ର ଅଧିନାୟକ ବିରାଟ କୋହଲୀ ହୋଇ ଉଠେ ତେବେ ମୁଁ ଆଉ ୧୦୦ରନ୍ କରିବି । ଯଦି କଙ୍ଗନା ରାଣାଓ୍ଵତ୍ ହୋଇ ଉଠେ ତେବେ ମୁଁ କେବଳ ଜରୁରୀ ବିଷୟ ଉପରେ କଥା ହେବି ବୋଲି କହିଥିଲେ ସୁଶାନ୍ତ ।