କଙ୍ଗନାଙ୍କୁ ତାପ୍ସୀଙ୍କ ପ୍ରଶ୍ନ : ମିଶନ ମଙ୍ଗଲରେ ୫ଜଣ ମହିଳା ଥାଇ ମଧ୍ୟ ତୁମ ସମର୍ଥନ ଫିଲ୍ମକୁ କ’ଣ ପାଇଁ ମିଳି ନାହିଁ?
ମୁମ୍ବାଇ : ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ଵତ୍ ଓ ଅଭିନେତ୍ରୀ ତାପ୍ସୀ ପନ୍ନୁଙ୍କ ମଧ୍ୟରେ ବିବାଦ କିଛି ନୂଆ ନୁହେଁ । ପୂର୍ବରୁ ଦୁହେଁ ପରସ୍ପର ପରସ୍ପରକୁ ନେଇ ବିବାଦୀୟ ବୟାନ ଦେଇ ଆସିଛନ୍ତି । କିିଛି ଦିନ ତଳେ କଙ୍ଗନାଙ୍କ ଭଉଣୀ ରଙ୍ଗୋଲି ତାପ୍ସୀଙ୍କୁ କଙ୍ଗନାଙ୍କ ଶସ୍ତା କପି ବୋଲି କହିଥିଲେ । ଏବେ ଯାଇ ତାପ୍ସୀ ପାଲଟା ଆକ୍ରମଣ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଡ୍ ଡେକୁ ଏକ ସାକ୍ଷାତକାର ଦେଇ ତାପ୍ସୀ କହିଛନ୍ତି, କଙ୍ଗନା ସବୁବେଳେ ଗୋଟେ କଥା କହି ଆସିଛନ୍ତି କି, ଜଣେ ମହିଳା ଆଉ ଜଣେ ମହିଳାଙ୍କୁ ସମର୍ଥନ କରିବା ଦରକାର । କିନ୍ତୁ ମୁଁ କେବେ ହେଲେ କଙ୍ଗନାଙ୍କ ମୁହଁରୁ ନିଜ ଫିଲ୍ମର ପ୍ରଶଂସା ଶୁଣି ନାହିଁ । ଫିଲ୍ମ ମିଶନ ମଙ୍ଗଲରେ ୫ଜଣ ଅଭିନେତ୍ରୀ ଅଛନ୍ତି । କିନ୍ତୁ ତଥାପି ମଧ୍ୟ ସେ ଫିଲ୍ମକୁ ପ୍ରଶଂସା କରି ନାହାନ୍ତି କି ସମର୍ଥନ ମଧ୍ୟ ଜଣାଇ ନାହାନ୍ତି । ମୋର ତାଙ୍କଠାରୁ ଅଭିଜ୍ଞତା କମ । କିନ୍ତୁ କିଛି ଫିଲ୍ମ ମୁଁ ଏମିତି କରିଛି, ଯାହାର ପ୍ରଶଂସା କରାଯାଇ ପାରିବ ବୋଲି କହିଥିଲେ ତାପ୍ସୀ ।