ଭୁବନେଶ୍ୱର: ଓଲିଉଡର ଜଣେ ଲୋକପ୍ରିୟ ନିର୍ଦ୍ଦେଶକ ହେଲେ ତାପସ ସରଘରିଆ ଏବଂ ଜଣେ ସଫଳ ସଙ୍ଗୀତ ନିର୍ଦ୍ଦେଶକ ହେଲେ ଅଭିଜିତ୍ ମଜୁମଦାର । ତାପସ ‘ପହିଲି ରଜ’ ସିନେମାରୁ କ୍ୟାରିଅର୍ ଆରମ୍ଭ କରିଥିବା ବେଳେ ଅଭିଜିତ୍ ‘କାଶିଆକପିଳା’ ଜରିଆରେ ଓଲିଉଡରେ ପ୍ରବେଶ କରିଥିଲେ । ତେବେ ଏ ଦୁହେଁ ନିରଞ୍ଜନ ରଣାଙ୍କ‘ପହିଲି ରଜ’ରେ ପ୍ରଥମ ଥର ଲାଗି ଯୋଡ଼ି ବନାଇଥିଲେ । ଏହା ବକ୍ସ୍ ଅଫିସ୍ରେ ଧମାଲ୍ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ଏହାପରେ ପୁଣି ତାପସ –ଅଭିଜିତ୍ ଯୋଡ଼ି ଏକାଠି ହୋଇଥିଲେ ୨୦୧୫ରେ ରିଲିଜ୍ ହୋଇଥିବା ତରଙ୍ଗ ସିନେ ପ୍ରଡକସନସ୍ର‘ଇଶ୍କ ତୁ ହି ତୁ’ ରେ । ଏଥର ବି ନିରାଶ କରିନଥିଲେ ଏହି ଯୋଡ଼ି । ଏବେ ତୃତୀୟ ଥରପାଇଁ ଏହି ପପୁଲାର୍ ଯୋଡ଼ିଙ୍କୁ ନୂଆ ସିନେମା‘ହିରୋ ନମ୍ବର ଓ୍ଵାନ୍’ରେ ପୁଣି ଏକାଠି କରିଛି ପ୍ରଯୋଜନା ସଂସ୍ଥା ତରଙ୍ଗ ସିନେ ପ୍ରଡକସନସ୍ । ଏହି ଯୋଡ଼ି ହାଟ୍ରିକ୍ କରିଛନ୍ତି। ସେ ଦୁହେଁ ପୁଣି କମାଲ୍ କରିଛନ୍ତି‘ହିରୋ ନମ୍ବର ଓ୍ଵାନ୍’ରେ । ଏହି ସିନେମାର ଗୀତଗୁଡିକ ଇତିମଧ୍ୟରେ ବେଶ ଲୋକପ୍ରିୟ ହୋଇଛି।