ଟାଇଗର ଏବଂ ଦିଶାଙ୍କ ମଧ୍ୟରେ ବଢ଼ୁଛି ଦୂରତା! ଏହି ନୂଆ ହିରୋଇନ୍ଙ୍କ ପାଇଁ ଟାଇଗର ଦୂରେଇ ଯାଉଥିବା ନେଇ ଚର୍ଚ୍ଚା
ମୁମ୍ବାଇ : ବଲିଉଡ୍ର ଅଭିନେତା ଟାଇଗର ଶ୍ରଫ୍ ଏବଂ ଅଭିନେତ୍ରୀ ଦିଶା ପଟାନୀଙ୍କ ପ୍ରେମ ସଂପର୍କ ସବୁ ବେଳେ ଚର୍ଚ୍ଚା ବିଷୟ ରହିଥାଏ । ଦୁହିଁଙ୍କୁ ଏକା ସାଙ୍ଗରେ ବାହାରକୁ ଯାଇ ସମୟ କଟାଉଥିବାର ଦେଖା ଯାଉଥିବା ବେଳେ ଫିଲ୍ମ ‘ବାଗି-୨’ରେ ଦୁଇ ଜଣଙ୍କୁ ସାଥୀରେ ରୋମାନ୍ସ କରିବାର ସୁଯୋଗ ମିଳିଥିଲା । ତେବେ ଦୁହିଁଙ୍କ ମଧ୍ୟରେ ଏ ପର୍ଯ୍ୟନ୍ତ ସେଭଳି କିଛି ଅସୁବିଧା ସୃଷ୍ଟି ହୋଇ ନ ଥିବା ବେଳେ ଏବେ ଜଣେ ନବାଗତାଙ୍କ ପାଇଁ ଦୁହିଁଙ୍କ ମଧ୍ୟରେ ଦୂରତା ଆସିଥିବା ଜଣାପଡ଼ିଛି । ଏହି ଦୁଇ ପ୍ରେମୀଯୁଗଳଙ୍କ ମଧ୍ୟରେ ‘ଷ୍ଟୁଡ଼େଣ୍ଟ ଅଫ୍ ଦ ଇୟଣ୍-୨’ରୁ ବଲିଉଡ୍ରେ ନିଜର କ୍ୟାରିୟର ଆରମ୍ଭ କରୁଥିବା ତାରା ସୁତାରିଆ ଆସି ଯାଇଥିବା ଜଣା ପଡ଼ିଛି । ଟାଇଗର ଏବେ ତାରାଙ୍କ ସହ ଅଧିକ ସମୟ ବିତାଉଥିବାରୁ ଦିଶା ଏବଂ ଟାଇଗରଙ୍କ ମଧ୍ୟରେ ଝଗଡ଼ା ହୋଇଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ଟାଇଗରଙ୍କ ସହ ତାରାଙ୍କ ଏତେ ଭଲ ସଂପର୍କକୁ ଦେଖି ପାରୁ ନାହାନ୍ତି ତାଙ୍କ ପ୍ରେମିକ ରୋହନ ମେହରା । ସୁଟିଂ ନଥିବା ସମୟରେ ତାରା ଏବଂ ଟାଇଗର ଫୋନରେ ଘଣ୍ଟା ଘଣ୍ଟା ଧରି କଥା ହେଉଥିବା ଓ ଦୁହିଁଙ୍କୁ ପାର୍ଟିରେ ଏକା ସାଙ୍ଗରେ ଦେଖିବାକୁ ମିଳୁଛି । ତେବେ ଦୁହିଁଙ୍କ ମଧ୍ୟରେ କ’ଣ ସଂପର୍କ ରହିଛି ତାହା ଭବିଷ୍ୟତରେ ଜଣାପଡ଼ିବ ।