ସଫ୍ଟଓୟାର ଇଞ୍ଜିନିୟରଙ୍କ ସହ ନିର୍ବନ୍ଧ କଲେ ଟଲିଉଡର ଲୋକପ୍ରିୟ ଅଭିନେତା ସର୍ବାନନ୍ଦ
ହାଇଦ୍ରାବାଦ: ସଫ୍ଟଓୟାର ଇଞ୍ଜିନିୟରଙ୍କୁ ବିବାହ କରିବେ ଟଲିଉଡର ଲୋକପ୍ରିୟ ଅଭିନେତା ସର୍ବାନନ୍ଦ। ଟଲିଉଡର ମୋଷ୍ଟ ଏଲିଜିବଲ ବ୍ୟାଚେଲର ସର୍ବାନନ୍ଦ ଚଳିତ ବର୍ଷ ଆମେରିକାର ସଫ୍ଟଓୟାର ଇଞ୍ଜିନିୟର ରକସିତା ରେଡ୍ଡୀଙ୍କ ସହିତ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ରିପୋର୍ଟ ଅନୁଯାୟୀ, ଅଭିନେତାଙ୍କର ଏବେ ନିର୍ବନ୍ଧ ଶେଷ ହୋଇଛି। ସେ ସଫ୍ଟଓୟାର ଇଞ୍ଜିନିୟର ରକସିତା ରେଡ୍ଡୀଙ୍କ ସହ ନିର୍ବନ୍ଧ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
View this post on Instagram
ନିର୍ବନ୍ଧ ପରେ ଇନଷ୍ଟାରେ ସର୍ବାନନ୍ଦ ଫଟୋ ସେୟାର କରି ଏହି ଖବର ନିଜ ପ୍ରଶଂସକଙ୍କୁ ଜଣାଇଛନ୍ତି। ଅଭିନେତାଙ୍କ ନିର୍ବନ୍ଧରେ ତେଲୁଗୁ ଫିଲ୍ମ ଇଣ୍ଡଷ୍ଟ୍ରିର ଅନେକ କଳାକାର ଯୋଗ ଦେଇଥିବା ଦେଖାଯାଇଥିଲା। ଅଭିନେତା ରାମଚରଣ ତାଙ୍କ ପତ୍ନୀ ଉପସନାଙ୍କ ସହ ସର୍ବାନନ୍ଦଙ୍କ ନିର୍ବନ୍ଧରେ ଯୋଗ ଦେଇଥିବା ଦେଖାଯାଇଥିଲା।
ରକସିତା ରେଡ୍ଡୀ ତେଲେଙ୍ଗାନା ହାଇକୋର୍ଟର ଓକିଲ ମଧୁସୂଦନ ରେଡ୍ଡୀଙ୍କ ଝିଅ ଏବଂ ପୂର୍ବତନ ଆନ୍ଧ୍ରପ୍ରଦେଶ ମନ୍ତ୍ରୀ ବୋଜ୍ଜାଲା ଗୋପାଳକୃଷ୍ଣ ରେଡ୍ଡୀଙ୍କ ନାତୁଣୀ। ଖବର ଅନୁଯାୟୀ, ଉଭୟଙ୍କ ପରିବାର ଏହି ସମ୍ପର୍କକୁ ଗ୍ରହଣ କରିବା ପରେ ଦୁହେଁ ବିବାହ କରିବାକୁ ନିଷ୍ପତ୍ତି ନେଇଛନ୍ତି। ତେବେ ଏହି ଯୋଡି ଏ ପର୍ଯ୍ୟନ୍ତ ସେମାନଙ୍କର ବିବାହ ତାରିଖ ନିଶ୍ଚିତ କରିନାହାଁନ୍ତି। କିନ୍ତୁ ବର୍ତ୍ତମାନ ଲାଗୁଛି ଯେ ନିର୍ବନ୍ଧ ପରେ ଉଭୟଙ୍କ ପରିବାର ଶୀଘ୍ର ରକସିତା ରେଡ୍ଡୀ ଏବଂ ସର୍ବାନନ୍ଦଙ୍କ ବିବାହକୁ ନେଇ ପ୍ରତିକ୍ରିୟା ରଖିବେ।
ପେସାଦାର ଜୀବନକୁ ଦେଖିବାକୁ ଗଲେ ସର୍ବାନନ୍ଦ ଫିଲ୍ମ ‘ମଲ୍ଲୀ ମଲ୍ଲୀ ଇଡି ରାନୀ ରୋଜୁ’, ‘ଏଜ୍ଞେୟମ ଏପୋଧମ୍’ ଏବଂ ‘ରନ୍ ରଜା ରନ୍’ ଭଳି ଚଳଚ୍ଚିତ୍ର ପାଇଁ ଜଣାଶୁଣା। ଏହି ଅଭିନେତା ୨୦୦୩ରେ ଫିଲ୍ମ ‘ଅଇଧୋ ତାରିକୁ’ ସହିତ ଡେବ୍ୟୁ କରିଥିଲେ। ତାଙ୍କୁ ଖୁବ ଶୀଘ୍ର ଫିଲ୍ମ ‘କିରାବାନୀ’ରେ ଦେଖିବାକୁ ମିଳିବ। ତାଙ୍କର ଶେଷ ଚଳଚ୍ଚିତ୍ର ‘ଓକେ ଓକା ଜେବିଥମ୍’ ତାଙ୍କୁ ଟଲିଉଡ ଫିଲ୍ମ ଇଣ୍ଡଷ୍ଟ୍ରିରେ ଏକ ଖ୍ୟାତିସମ୍ପନ୍ନ ଅଭିନେତାରେ ପରିଣତ କରିଥିଲା। ଶ୍ରୀ କାର୍ତ୍ତିକଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ସେପ୍ଟେମ୍ବର ୯. ୨୦୨୨ ରେ ମୁକ୍ତିଲାଭ କରିଥିଲା। ଏହି ଚଳଚ୍ଚିତ୍ରଟି ବର୍ତ୍ତମାନ ଲୋକପ୍ରିୟ ଓଟିଟି ଚ୍ୟାନେଲ ସୋନିଲିଭରେ ଷ୍ଟ୍ରିମିଂ ହେଉଛି।