‘ଦି ବିଗବୁଲ’ର ଫାଷ୍ଟଲୁକ ରିଲିଜ, ଷ୍ଟକ ମାର୍କେଟର ଦୁର୍ନୀତି ବାବଦରେ ଦେଖିବେ ଦର୍ଶକ
ମୁମ୍ବାଇ: ଅଭିଷେକ ବଚ୍ଚନ ଏବଂ ଇଲିଆନା ଡି କ୍ରୁଜ୍ ଅଭିନୀତ ଫିଲ୍ମ ‘ଦି ବିଗବୁଲ’ର ଫାଷ୍ଟଲୁକ ନଜର ଆସିଛି | ଏହି ଫିଲ୍ମଟି ଓଟିଟି ପ୍ଲାଟଫର୍ମରେ ରିଲିଜ୍ ହେବାକୁ ଯାଉଥିବାବେଳେ ଷ୍ଟକ୍ ମାର୍କେଟର ରାଜା ହର୍ଷଦ ମେହେଟ୍ଟାଙ୍କ ବାୟୋପିକ୍ ଉପରେ ଆଧାରିତ ବୋଲି ଜଣାପଡିଛି | ଆଜି ମୁଖ୍ୟ ଭୂମିକାରେ ଅଭିନୟ କରିଥିବା ଅଭିନେତ୍ରୀ ଇଲିଆନା ଡି କ୍ରୁଜଙ୍କ ଫାଷ୍ଟଲୁକ ମଙ୍ଗଳବାର ରିଲିଜ ହୋଇଛି। ଏହା ପରେ ଅଜୟ ଦେବଗନ୍ ଏବଂ ଅଭିଷେକ ବଚ୍ଚନ ସୋସିଆଲ ମିଡିଆରେ ଇଲିଆନାଙ୍କ ଲୁକ୍ ସେୟାର କରିଛନ୍ତି ।
ଇଲିଆନାଙ୍କ ପ୍ରଶଂସକମାନେ ତାଙ୍କ ଲୁକକୁ ପସନ୍ଦ କରୁଛନ୍ତି। ଫିଲ୍ମ ‘ଦି ବିଗବୁଲ’ ଏକ କ୍ରାଇମ୍ ଡ୍ରାମା ଫିଲ୍ମ ହୋଇଥିବାବେଳେ ଏହି ଚଳଚ୍ଚିତ୍ରଟିକୁ ଅଜୟ ଦେବଗନ୍ ଏବଂ ଆନନ୍ଦ ପଣ୍ଡିତ ପ୍ରଯୋଜନା ଦେଇଛନ୍ତି | ସେହିପରି ଏବଂ କୁକି ଗୁଲାଟି ନିର୍ଦ୍ଦେଶନା ଦେଇଛନ୍ତି। ଏହି ଚଳଚ୍ଚିତ୍ରରେ ହର୍ଷଦ ମେହେଟ୍ଟା ଭୂମିକାରେ ଅଭିଷେକ ବଚ୍ଚନ ଅଭିନୟ କରିବେ।
ଏହାପୂର୍ବରୁ ଏହି ଚଳଚ୍ଚିତ୍ର ପ୍ରେକ୍ଷାଳୟରେ ମୁକ୍ତିଲାଭ କରିବାର ଥିଲା | କିନ୍ତୁ କରୋନା ପାଇଁ ଫିଲ୍ମ ହଲ ବନ୍ଦ ଥିବାରୁ ଓଟିଟି ରେ ମୁକ୍ତିଲାଭ କରିବ | ଅଭିଷେକ-ଇଲିଆନାଙ୍କ ବ୍ୟତୀତ ଏହି ଚଳଚ୍ଚିତ୍ରରେ ନିକିତା ଦତ୍ତା, ସୁମିତ ବ୍ୟାସ, ରାମ କପୁର, ଅଜୟ ଦେବଗନ ମଧ୍ୟ ଅଭିନୟ କରିବେ ବୋଲି କୁହାଯାଉଛି। ‘ଦି ବିଗବୁଲ’ର ରିଲିଜ୍ ତାରିଖ ଘୋଷଣା କରାଯାଇ ନାହିଁ। ୧୯୯୨ ମସିହାରେ ଭାରତୀୟ ଷ୍ଟକମାର୍କେଟରେ ହୋଇଥିବା ବଡ ଧରଣର ଦୁର୍ନୀତିର କାହାଣୀ ଦର୍ଶକ ଏହି ସିନେମା ମାଧ୍ୟମରେ ଦେଖିବାକୁ ପାଇବେ |
