ବଜେଟ୍ ୮୦ କୋଟି, କଳାକାରଙ୍କୁ ୩ କୋଟି
ଯେଉଁ ହାସ୍ୟାଭିନେତାଙ୍କ ଅଭିନୟ ପାଇଁ ଚଳଚ୍ଚିତ୍ର ‘ଜାତି ରତ୍ନାଲୁ’ ବକ୍ସ ଅଫିସ୍ ହଲଚଲ୍ କରିଥିଲା, ତାଙ୍କୁ ନେଇ ଏବେ ପୁଣି ଥରେ ସାଉଥ୍ ଇଣ୍ଡଷ୍ଟ୍ରିରେ ହଇଚଇ ସୃଷ୍ଟି ହେଇଛି। କାହିଁକି ଜାଣନ୍ତି? ଚଳଚ୍ଚିତ୍ର ‘ଜାତି ରତ୍ନାଲୁ’ର ସିକୁଏଲ୍ ତିଆରି ହେବାକୁଯାଉଛି। ଏଥିପାଇଁ ପାଖାପାଖି ୮୦ କୋଟି ଟଙ୍କାର ବଜେଟ୍ ଅଟକଳ କରାଯାଇଛି। ସବୁଠୁ ବଡ଼କଥା ହେଉଛି ‘ଜାତି ରତ୍ନାଲୁ’ରେ ପୂର୍ବରୁ ଅଭିନୟ କରିଥିବା ହାସ୍ୟାଭିନେତା ନବୀନ ପଲିସେଟ୍ଟୀଙ୍କୁ ପୁଣି ଏହାର ସିକୁଏଲରେ ସେଇ ଚରିତ୍ରରେ ଅବତୀର୍ଣ୍ଣ ହେବାକୁ ନିଷ୍ପତ୍ତି ନିଆଯାଇଛି। ଏଥର ତାଙ୍କୁ ପାରିତୋଷିକ ବାବଦକୁ ୩ କୋଟି ଟଙ୍କା ଦିଆଯିବ। ଏହା ନବୀନ ଡିମାଣ୍ଡ କରିଛନ୍ତି ନା ପ୍ରଯୋଜନା ସଂସ୍ଥା ସ୍ବତଃପ୍ରବୃତ ନିର୍ଦ୍ଧାରଣ କରିଛି, ଅବଶ୍ୟ ତାହା ଜଣାପଡ଼ିନାହିଁ।
Sambad is now on WhatsApp
Join and get latest news updates delivered to you via WhatsApp
ଶୁଣାଯାଉଛି ଚଳଚ୍ଚିତ୍ର ‘ଜାତି ରତ୍ନାଲୁ-୨’ ଆସନ୍ତା ବର୍ଷ ସୁଟିଂଫ୍ଲୋର୍କୁ ଆସିବ। ଏ ସମ୍ପର୍କରେ କୌଣସି ନିର୍ଦ୍ଦିଷ୍ଟ ତାରିଖ ଘୋଷଣା କରାଯାଇନାହିଁ। ନବୀନ ପଲିସେଟ୍ଟୀ ଓ ତାଙ୍କର ତିନିଜଣ ସହଯୋଗୀ କଳାକାର ପ୍ରିୟଦର୍ଶୀ ପୁଲ୍ଲିକୋଣ୍ଡା (ଯୋଗୀପେଟ ଶେଖର), ରାହୁଲ ରାମକ୍ରିଷ୍ଣା (ଯୋଗୀପେଟ ରବି), ଅବଦୁହ୍ଲା (ଚିଟ୍ଟି) ମଧ୍ୟ ତାଙ୍କ ସହ ଏଇ ସିକୁଏଲ୍ରେ ରହିବେ। ଆପଣ ଭାବୁଥିବେ ନବୀନଙ୍କୁ କାହିଁକି ଏତେ ଟଙ୍କା ଦିଆଯିବ, ସେ ଯେଉଁ ଭୂମିକାରେ ପୂର୍ବ ସିନେମାରେ ମାତ୍ର ୬୦ ଲକ୍ଷ ଟଙ୍କାରେ ଅଭିନୟ କରିଥିଲେ, ସେଇ ଭୂମିକାରେ ଏହାର ସିକୁଏଲ୍ରେ ମଧ୍ୟ ଆସିବେ। ହେଲେ ପାରିତୋଷିକରେ ବିରାଟ ପରିବର୍ତ୍ତନ। ଅର୍ଥାତ୍ ୬୦ ଲକ୍ଷରୁ ୩ କୋଟି।
ଏ ସମ୍ପର୍କରେ ଅଭିନେତା ନବୀନ କହିଛନ୍ତି, କଳାକାର କେତେ ପାରିଶ୍ରମିକ ନେଲେ ତାହା ସୀମିତ, ମାତ୍ର ଦର୍ଶକ ତାଙ୍କ ଠାରୁ ଯେଉଁ ମନୋରଂଜନ ନେଇ ମନକୁ ହାଲୁକା କଲେ, ତା’ର ମୂଲ୍ୟ କ’ଣ ଆକଳନ କରିହେବ?