ଆଲୋକ ନାଥ୍ଙ୍କ ଉପରେ ଦୁଷ୍କର୍ମ ଆରୋପ ଆଣିଥିବା ଲେଖିକା ବିନ୍ତା ନନ୍ଦା ଦେଲେ ଏଭଳି ବୟାନ : ଆମେ କ’ଣ ପାଇଁ ଏହି ମାମଲାକୁ ଅଦାଲତରେ ଲଢ଼ୁଛୁ ବୋଲି ପ୍ରଶ୍ନ କଲେ
ମୁମ୍ବାଇ : କିଛି ମାସ ତଳେ ଆରମ୍ଭ ହୋଇଥିବା #ମି ଠୁ ଅଭିଯାନ ଅନେକ ଲୋକଙ୍କ ଅସଲ ମୁଖା ବାହାରକୁ ଆଣିଥିଲା । ନେତାଠାରୁ ଅଭିନେତା ପର୍ଯ୍ୟନ୍ତ ସମସ୍ତେ ଏହି ଅଭିଯାନର ଶିକାର ହୋଇଥିଲେ । ବଲିଉଡ୍ରେ ବାପାର ସମ୍ମାନ ଦିଆଯାଉଥିବା ଆଲୋକ ନାଥ୍ଙ୍କ ଉପରେ ଦୁଷ୍କର୍ମର ଆରୋପ ଲାଗିବା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଲେଖିବା ବିନ୍ତା ନନ୍ଦା ଆଲୋକ ନାଥ୍ଙ୍କ ଉପରେ ୨୦ବଷ ପୂର୍ବେ ଦୁଷ୍କର୍ମ କରିଥିବାର ଅଭିଯୋଗ କରିବା ପରେ ଏବେ ସେ ନେଇ ମାମଲା ରୁଜୁ କରାଯାଇ ଅଦାଲତରେ ଶୁଣାଣି ଆରମ୍ଭ ହୋଇଛି । ଏ ମଧ୍ୟରେ ବିନ୍ତା ନନ୍ଦା ଏକ ସାକ୍ଷାତକାରରେ ଦେଇଥିବା ମନ୍ତବ୍ୟକୁ ନେଇ ଚର୍ଚ୍ଚା ଆରେମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଆମେ ଭଲ ଭାବରେ ଜାଣିଛେ ଯେ ଆଲୋକ ନାଥ୍ଙ୍କ ସହ ମୋର ଏହି ଲଢ଼େଇାର ଶେଷ ନାହିଁ । #ମି ଠୁ ଅଭିଯାନରେ ସାମିଲ୍ ହୋଇ ମୁଁ ବିନା କୌଣସି ପ୍ରସ୍ତୁତିରେ ତାଙ୍କ ଉପରେ ଅଭିଯୋଗ ଆଣିଲି । ୨୦ବର୍ଷ ପୂର୍ବେ ମୋ ସହିତ ଦୁଷ୍କର୍ମ ହୋଇଥିଲା ବୋଲି ମୁଁ ପ୍ରମାଣ ଦେଇ ପାରିବି ନାହିଁ କି ଆଲୋକ ନାଥ୍ ସେଭଳି କିଛି କରି ନ ଥିଲେ ବୋଲି ପ୍ରମାଣ ଦେଇ ପାରିବେ ନାହିଁ । ଆମେ କ’ଣ ପାଇଁ ଏହି ମାମଲାକୁ ନେଇ ଅଦାଲତରେ ଲଢ଼ୁଛେ? ଏପରି କରି ଆମେ ସମୟ ନଷ୍ଟ କରୁଛୁ କି? ଯାହା ବି ୨୦ବର୍ଷ ପୂର୍ବେ ହୋଇଥିଲା ତାହାର ସମର୍ଥନ କରିବା ପାଇଁ କୌଣସି ଆଇନ୍ ନାହିଁ । ତଥାପି ବି ଲୋକମାନଙ୍କ ସମର୍ଥନ ପାଇଁ ମୁଁ ଲଢ଼ି ଚାଲିଛି ବୋଲି ସେ କହିଥିଲେ ।