ମା’ଙ୍କ ଉପଦେଶ ମାନି ‘ଠଗ୍ସ ଅଫ୍ ହିନ୍ଦୋସ୍ତାନ’ରେ ନିଜ ଲୁକ୍ରେ ଏହି ପରିବର୍ତ୍ତନ ଆଣିଥିଲେ ଆମୀର,ଜାଣନ୍ତୁ କ’ଣ ଥିଲା ସେହି ଉପଦେଶ
ମୁମ୍ବାଇ : କିଛି ମାସ ପୂର୍ବରୁ ବହୁ ପ୍ରତୀକ୍ଷିତ ଫିଲ୍ମ ‘ଠଗ୍ସ ଅଫ୍ ହିନ୍ଦୋସ୍ତାନ’କୁ ନେଇ ଚର୍ଚ୍ଚା ଆରମ୍ଭ ହୋଇଥିବା ବେଳେ କିଛି ଦିନ ତଳେ ଏହାର ଟ୍ରେଲର ରିଲିଜ କରାଯାଇଥିଲା । ଯେଉଁ ଥିରେ ସବୁ କଳାକାର ସେହି ଫିଲ୍ମରେ କରିଥିବା କାମର କିଛି କିଛି ଝଲକ ଦେଖିବାକୁ ମିଳିଥିଲା । ଟ୍ରେଲରରେ ବଲିଉଡ୍ର ମହାନାୟକ ଅମିତାଭ ବଚ୍ଚନ ୭୫ବର୍ଷ ବୟସରେ କରିଥିବା ଆକ୍ସନ ଦୃଶ୍ୟକୁ ଦେଖି ଦର୍ଶକଙ୍କ ଲୋମ ଟାଙ୍କୁରି ଉଠିଥିବା ବେଳେ ଆମୀରଙ୍କ ଲୁକ୍ ମଧ୍ୟ ସମସ୍ତଙ୍କୁ ପସନ୍ଦ ଆସିଛି ।
Sambad is now on WhatsApp
Join and get latest news updates delivered to you via WhatsApp
ଏଥିରେ ଆମୀର ନିଜର ଅନ୍ୟ ଫିଲ୍ମ ଅପେକ୍ଷା ଏକ ଭିନ୍ନ ଲୁକ୍ରେ ନଜର ଆସିଥିବା ବେଳେ ଆଖିରେ ସୁରମା ଲଗାଇଥିବାର ଦେଖା ଯାଇଥିଲା । ଏହା ତାଙ୍କ ଲୁକ୍କୁ ପୂରା ନୂଆ ଧରଣର କରିଛି। ସମସ୍ତେ ତାଙ୍କ ଏହି ଲୁକ୍କୁ ପସନ୍ଦ କରୁଥିବା ଦେଖା ଯାଇଛି । ତେବେ ତାଙ୍କୁ ଆଖିରେ ସୁରମା ଲଗାଇବା ପାଇଁ ତାଙ୍କ ମା’ ଜୀନତ ହୁସେନ ତାଙ୍କୁ ଉପଦେଶ ଦେଇଥିବା କହିଛନ୍ତି ଆମୀର ।
ସୂଚନା ମୁତାବକ,କୌଣସି ଫିଲ୍ମ କରିବା ପୂର୍ବରୁ ସେ ତାଙ୍କ ମା’ଙ୍କୁ ପରାମର୍ଶ ମାଗୁଥିବା ବେଳେ ଏହି ଫିଲ୍ମକୁ ନେଇ ମଧ୍ୟ ଆମୀର ନିଜ ମା’ଙ୍କୁ ପଚାରିଥିଲେ । ଠଗ୍ସରେ ନିଜ ଲୁକ୍କୁ ନେଇ ଅମୀର ଦ୍ୱନ୍ଦ୍ୱରେ ଥିବା ବେଳେ ତାଙ୍କ ମା’ ତାଙ୍କୁ ସାହାଯ୍ୟ କରିଥିଲେ । ନିଜ ଲୁକ୍କୁ ସଂପୂର୍ଣ୍ଣ କରିବା ପାଇଁ ତାଙ୍କ ମା’ ତାଙ୍କୁ ଆଖିରେ ସୁରମା ଲଗାଇବା ପାଇଁ ଉପଦେଶ ଦେଇଥିଲେ ବୋଲି ଆମୀର କହିବା ସହ ଏହା ଦର୍ଶକଙ୍କୁ ପସନ୍ଦ ଆସିଥିବାରୁ ସେ ବହୁତ ଖୁସି ଥିବା କହିଛନ୍ତି ।