ଦୀପାବଳିରେ ଏହି ସବୁ ବଡ଼ ବଡ଼ ଷ୍ଟାର ଚାଖିଥିଲେ ଅସଫଳତାର ସ୍ୱାଦ
ସାଧାରଣ ଲୋକଙ୍କ ସହ ବଲିଉଡ୍ ଷ୍ଟାରମାନେ ମଧ୍ୟ ଖୁବ୍ ଧୁମ୍ଧାମ୍ରେ ଦୀପାପଳି ପାଳନ କରିଥାନ୍ତି । କିନ୍ତୁ ଏହି ଦିନ ତାଙ୍କର କୌଣସି ବଡ଼ ବଜେଟର ଫିଲ୍ମ ରିଲିଜ୍ ହେବାକୁ ଥିଲେ, ଦିନଟି ସେମାନଙ୍କ ପାଇଁ ଅଧିକ ଖାସ୍ ହୋଇ ଯାଇଥାଏ । କିନ୍ତୁ ବଲିଉଡ୍ରେ ଏଭଳି ଅନେକ ଷ୍ଟାର ଅଛନ୍ତି, ଯେଉଁମାନଙ୍କ ଖୁସି ଦୀପାବଳିରେ ମଉଳି ଯାଇଥିଲା । ଏହି ଦିନ ନିଜର ବଡ଼ ବଜେଟର ଫିଲ୍ମ ରିଲିଜ୍ କରି ମଧ୍ୟ ସେମାନଙ୍କୁ ଅସଫଳତାର ସ୍ୱାଦ ଚାଖିବାକୁ ପଡ଼ିଥିଲା । ଆସନ୍ତୁ ସେଭଳି କିଛି ଫିଲ୍ମ ଉପରେ ନଜର ପକାଇବା….
Sambad is now on WhatsApp
Join and get latest news updates delivered to you via WhatsApp
୧. ଗତବର୍ଷ ଦୀପାବଳିରେ ରିଲିଜ୍ ହୋଇଥିଲା ଫିଲ୍ମ ‘ଠଗ୍ସ ଅଫ୍ ହିନ୍ଦୁସ୍ତାନ’ । ଫିଲ୍ମରେ ମୁଖ୍ୟ କଳାକାର ଭାବରେ ନଜର ଆସିଥିଲେ ଅଭିନେତା ଆମୀର ଖାନ୍, ବିଗ୍ ବି ଅମିତାଭ ବଚ୍ଚନ, ଅଭିନେତ୍ରୀ କ୍ୟାଟ୍ରିନା କୈଫ୍ ଓ ଫାତିମା ସନା ଶେଖ୍ । ଫିଲ୍ମର କଳାକାରଙ୍କୁ ଦେଖି ଏହା ଭଲ ଆୟ କରିବ ବୋଲି ଆଶା ଥିବା ବେଳେ ବକ୍ସ ଅଫିସରେ ଫିଲ୍ମଟି ସୁପରଫ୍ଲପ୍ ହୋଇଥିଲା ।
୨. ୨୦୦୦ମସିହାରେ ରିଲିଜ୍ ହୋଇଥିଲା ଫିଲ୍ମ ‘ମିଶନ କଶ୍ମୀ’ର । ଯେଉଁଥିରେ ମୁଖ୍ୟ ଭୂମିକାରେ ନଜର ଆସିଥିଲେ ଅଭିନେତା ରିତିକ୍ ରୋଶନ, ସଞ୍ଜୟ ଦତ୍ତ ଓ ଅଭିନେତ୍ରୀ ପ୍ରୀତି ଜିଣ୍ଟା । ଏହାର ନିର୍ଦ୍ଦେଶନା ଦାୟିତ୍ୱ ତୁଲାଇଥିଲେ ବିଦୁ ବିନୋଦ ଚୋପ୍ରା । ଦୀପାବଳି ଅବସରରେ ଫିଲ୍ମଟି ରିଲିଜ୍ ହୋଇଥିଲେ ମଧ୍ୟ ଏହା ଭଲ ବ୍ୟବସାୟ କରି ପାରି ନଥିଲା ।
୩. ୨୦୦୭ରେ ରିଲିଜ୍ ହୋଇଥିବା ଫିଲ୍ମ ‘ସାବରିଆ’ ଜରିଆରେ ବଲିଉଡ୍ରେ ଡେବ୍ୟୁ କରିଥିଲେ ଅଭିନେତା ରଣବୀର କପୁର ଓ ଅଭିନେତ୍ରୀ ସୋନମ କପୁର । ଏହାର ନିର୍ଦ୍ଦେଶନା ସଞ୍ଜୟ ଲୀଲା ଭଂସାଲୀ ଦେଇଥିଲେ ମଧ୍ୟ ବକ୍ସ ଅଫିସରେ ଏହା ପ୍ରଥମ ଦିନ ହିଁ ଦର୍ଶକଙ୍କୁ ନିରାଶ କରିଥିଲା ।
୪. ୨୦୧୦ରେ ରିଲିଜ୍ ହୋଇଥିବା ଫିଲ୍ମ ‘ଆକ୍ସନ ରିପ୍ଲେରେ’ ମୁଖ୍ୟ ଭୂମିକାରେ ନଜର ଆସିଥିଲେ ଅଭିନେତା ଅକ୍ଷୟ କୁମାର ଓ ଅଭିନେତ୍ରୀ ଐଶ୍ୱର୍ଯ୍ୟା ରାୟ । ଫିଲ୍ମରେ ବଡ଼ ବଡ଼ କଳାକାର ଥାଇ ମଧ୍ୟ ଫିଲ୍ମଟି ଚାଲି ନଥିଲା ।