ବକ୍ସ ଅଫିସରେ ୩୦୦କୋଟି ଆୟ କଲାଣି ‘ଟାଇଗର ଜିନ୍ଦା ହୈ’
ନୂଆଦିଲ୍ଲୀ : ଅଭିନେତା ସଲମାନ ଖାନ୍ ଏବଂ ଫିଲ୍ମ ନିର୍ମାତା ଅଲ୍ଲୀ ଆବ୍ଦାସ ଜାଫରଙ୍କ ଗୋଡ଼ ଖୁସିରେ ତଳେ ଲାଗୁ ନାହିଁ । କାହିଁକି ନା ସେମାନଙ୍କ ଫିଲ୍ମ ‘ଟାଇଗର ଜିନ୍ଦା ହୈ’ ପ୍ରତି ଦର୍ଶକ ବେଶ୍ ଭଲ ପାଇବା ଦେଖାଇଛନ୍ତି। ୨୨ ଡ଼ିସେମ୍ବରରେ ଫିଲ୍ମଟି ରିଲିଜ ହୋଇଥିବା ‘ଟାଇଗର ଜିନ୍ଦା ହୈ’ ବକ୍ସ ଅଫିସରେ ପାଖାପାଖି ୩୦୦କୋଟି ଆୟ କଲାଣି ବୋଲି ଫିଲ୍ମ ସମୀକ୍ଷକ ଏବଂ ବ୍ୟାପାର ବିଶ୍ଲେଷକ ତରନ ଆଦର୍ଶ ଟ୍ଵିଟ୍ କରି ଜଣାଇଛନ୍ତି । ଆଗାମୀ ଦିନରେ ଏହା ଅଧିକ ଆୟ କରିବ ବୋଲି ସେ କହିଛନ୍ତି । ଏହି ଫିଲ୍ମଟି ସଲମାନଙ୍କ ପୂର୍ବ ଫିଲ୍ମର ରେକର୍ଡ଼ ବ୍ରେକ କରିବ ବୋଲି ଆଶା କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
First working day after a long holiday period [Christmas and New Year], yet #TigerZindaHai remains SUPER-STRONG on its second Tue… [Week 2] Fri 11.56 cr, Sat 14.92 cr, Sun 22.23 cr, Mon 18.04 cr, Tue 7.83 cr. Total: ₹ 280.62 cr. India biz. #TZH
— taran adarsh (@taran_adarsh) January 3, 2018
‘ବଜରଙ୍ଗୀ ଭାଇଜାନ’ (୩୨୦.୩୪କୋଟି)ଏବଂ ‘ସୁଲତାନ’(୩୦୦.୪୫କୋଟି)ର ବକ୍ସ ଅଫିସ ରେକର୍ଡକୁ ‘ଟାଇଗର ଜିନ୍ଦା ହୈ’ ବ୍ରେକ୍ କରିବ ବୋଲି ଫିଲ୍ମ ସମୀକ୍ଷକ ମାନେ ଆଶାକରିଛନ୍ତି । ଫିଲ୍ମର ଆକ୍ସନ ସିକ୍ୟୁଏନ୍ସକୁ ମସାଲାଦାର କରିବା ପାଇଁ ହଲିଉଡ଼ ଷ୍ଟଣ୍ଟ ମାଷ୍ଟର ଟମ୍ ଷ୍ଟଥରଙ୍କୁ ଡ଼କା ଯାଇଥିବା ବେଳେ ସଲମାନ୍ ଏବଂ କ୍ୟାଟ୍ରିନାଙ୍କ ଯୋଡ଼ି ପୁଣି ଥରେ ପରଦାରେ କମାଲ ଦେଖାଇଛି । ତେବେ ଏହା କେଉଁ କେଉଁ ଫିଲ୍ମର ରେକର୍ଡ଼ ବ୍ରେକ୍ କରିବ ତାହା ଦେଖିବାକୁ ବାକି ରହିଲା ।