ଜାକି ଶ୍ରଫ୍ଙ୍କ ପରେ ଏହି ବ୍ୟକ୍ତିଙ୍କୁ ନିଜ ଆଦର୍ଶ ବୋଲି ମାନନ୍ତି ଟାଇଗର ଶ୍ରଫ୍
ମୁମ୍ବାଇ: କିଛି ଦିନ ତଳେ ଇଣ୍ଡିଆ ଟୁଡ଼େ ତରଫରୁ ଆରମ୍ଭ ହୋଇଥିବା ‘ମାଇଣ୍ଡ ରକ୍ସ-୨୦୧୮’ରେ ଅନେକ ବଲିଉଡ୍ କଳାକାର ଯୋଗ ଦେଇ ନିଜ ମନ କଥା ସେୟାର କରିଛନ୍ତି । ସେହିଭଳି ବଲିଉଡ୍ ଅଭିନେତା ଟାଇଗର ଶ୍ରଫ୍ ଏଥିରେ ଯୋଗ ଦେଇ ନିଜ ଜୀବନର ଆଦର୍ଶ ବିଷୟରେ ଜଣାଇଥିଲେ । ନିଜ ବାପାଙ୍କ ପରେ ସେ କାହାକୁ ଆଦର୍ଶ ବୋଲି ମାନନ୍ତି ତାହା ଜଣାଇଥିଲେ ନିଜ ଫ୍ୟାନମାନଙ୍କୁ ।
Sambad is now on WhatsApp
Join and get latest news updates delivered to you via WhatsApp
ଜାକି ଶ୍ରଫ୍ଙ୍କ ପରେ ସେ ବଲିଉଡ୍ ଅଭିନେତା ରିତିକ୍ ରୋଶନଙ୍କୁ ନିଜର ଆଦର୍ଶ ବୋଲି ମାନନ୍ତି ବୋଲି କହିବା ସହ ତାଙ୍କୁ ଖୁବ୍ ଡ଼ରନ୍ତି ବୋଲି କହିଛନ୍ତି । ରିତିକ୍ଙ୍କ ସହ ସେ ଏକ ଫିଲ୍ମ କରୁଥିବା ବେଳେ ତାଙ୍କ ଫିଲ୍ମ କରିବାର ଅନୁଭୂତି ସଂପର୍କରେ ସେ କହିଥିଲେ । ସୁଟିଂ ସମୟରେ ସେ ରିତିକ୍ଙ୍କ ସହ ସୁଟିଂ କରିବାକୁ ଡ଼ରୁଥିଲେ ବୋଲି କହିଛନ୍ତି । ଆଜି ମୁଁ ଯାହା ବି ହୋଇ ପାରିଛି ତାହା କେବଳ ରିତିକ୍ ସାର୍ଙ୍କ ପାଇଁ । ତାଙ୍କ ସହ କାମ କରିବାର ସୁଯୋଗ ମୋ ପାଇଁ ଆଶୀର୍ବାଦ ସଦୃଶ । ଅନେକ ଦିନର ସ୍ୱପ୍ନ ମୋର ଆଜି ପୂରଣ ହୋଇଛି ବୋଲି କହିଥିଲେ ଟାଇଗର । ରିତିକ୍ଙ୍କ ସହ ଟାଇଗର କରୁଥିବା ଏହି ଫିଲ୍ମର ସୁଟିଂ ଆରମ୍ଭ ହୋଇଥିବା ବେଳେ ଏହାର ନାଁ ସ୍ଥିର କରାଯାଇ ନାହିଁ ।